ma? 1589; de Clisson

Pierre de La Prévière, gouverneur de Clisson (1), près Nantes,

A la duchesse de Thouars.

Excuses, en présence d'ordres formels et de nécessités absolues, qu'il énumère, de ne pouvoir exempter de la contribution de guerre les paroissiens de Saint-Hilaire de Loulay, sujets de la baronnie de Montaigu.

A MADAME DE LA TRIMOUILLE

Madame, j'ay receu la lettre qu'il vous a pieu m'escrire pour l'exemption de la paroisse de Sainct Hillaire de Loulay, que désirez n'estre contribuable à ceste garnison. Je vous supplie très humblement de croire que, sy cela deppendoit de moy je ne ferois faulte d'obêyr au commandement que vous m'en faictes; mais, s'il vous plaist donner charge à quelqu'un de voz officiers de Montagu, je leur monstreray l'original de la commission de Monsgr le mareschal d'Aumont(2), lieutenant général pour le Roy en son camp et armée, par laquelle, pour la conservation de ceste place en l'obéissance de Sa Majesté, il ordonne estre faict levée de certaine somme de deniers pour l'entretenement des gens de guerre qu'il y a establis , et qui y font actuellement le service, sur certaines parroisses, aus quelles ladicte parroisse de Sainct Hillaire est comprinse: tellement que, sy je la vouloye exempter, il fauldroict, par nécessité, diminuer le nombre des soldatz que j'ay et altérer la force de ce lieu, qui n'est point mesmes assez suffisante pourempescher les ennemys, qui ne bougent tous les jours de nos portes , de faire beaucoup d'entreprinses préjudiciables à Sadicte Majesté; ce que je ne puis faire sans son exprès commandement, ou de Monsgr d'Avaugour (3). Quant à ce qu'il vous plaist m'escripre que ce seroit confondre l'ordre des Tabliers de recepte du païs de Poictou (à), je vous puis asseurer n'avoir esté présent ne donné advis de coniprendre ladicte parroisse en ladicte commission. Il me semble néantmoings que cesle cottization est de sy petite conséquence, au regard de l'importance de ceste dicte place, plus proche et voisine de l'ennemy que aulcune autre

dudit païs de Poictou, que \ous ne le debvez trouver mauvais; vous asseurant, que sy je pouvoys remectre cela sur quelque autre parroisse, que je n'y f(M-ois faulte, pour le désir que j'ay (îe vous faire très humble service, comme vostre très humble et obéissant serviteur,