A MONSIEUR ROUHET, CHEF DU CONSEIL DE MADAME, A THOUARS

Monsieur, nous eusmes yer nouvelles en ce lieu du sinistre et perfide assassinat commis en la personne de nostre Roy, qui est advenu de mardi dernier (J) par un cordelier ou jacobin, ou aultre déguisé en leur habit ; et luy présentant ung pacquet de lettre luy donna ung coup de cousteau dans le corps, dont il est extrêmement blessé : qui est une cruaulté des plus barbares, et plaine de traïzon que l'on ayt oncques oy parler à son roy et prince souverain. Et dict on que le premier courrier en porta vendredi dernier les nouvelles à Tours; toutesfoys, par lettres qu'en a aujourdhuy Madame, on lui mande que l'on XIX 21

a quelfjue espérance que Dieu rendra la playe de Sa Magesté guarissable, mais je croy qu'il est difliciie de le pouvoir si prornptement juger.

Tant y a que se désastre est venu mal à propos. Monseigneur de la Trémoille estoit venu jusques à Bloys avecques quelques forces, mais le roy de Navarre l'a contremandé cy tost que ce malheur est arrivé. 11 s'acheminoyt de deçà pour donner ordre aux affaires de Poictou, combien que le changement des affaires luy a faict rebrousser incontinant. Ce sont les piteuses nouvelles dont je vous puis faire part, et me recommander bien humblement à vostre bonne grâce ; priant Dieu vous donner, Monsieur, en bonne santé, longue et heureuse vye.

De Berrie, ce vi* jour d'aoust 1589.

Vostre bien humble et obéissant serviteur,