A MONSIEUR LE DUC DE LA TRÉMOILLE, A 8AUMUR

Monsieur, je suis infiniment aise de ce que vous avez trouvé bon ce que je vous ay faict représenter par Mons' des Barreaulx

~ 32Zi —

pour le service du Roy et, eu cela couime en toutes uies aciions vous pouvez congnoistre combien de zelle et aflection je porte au service et bien des affaires de Sa Majesté lequel, j'espère, sera bien servy aussi de vous. Monsieur, au commandement (jue le Conseil vous a donné à la petite aimée que nous dressons, pour l'asseurance que j'ay, si tous suyvent le courage et secondent le zelle et la valleur du général, qu'elle eslai-gira ces provinces et en chassera les ennemis et ferez trestous ensemble de notables et signalez services. Pour quoy faire je vous prie, Monsieur, de haster l'assemblée et l'achemynement de vos forces au plus grand nombre que vous pourrez, car il les fault faire exploicter et mètre en œuvre auparavant que les pluyes viennent, qui offencent infiniment les armées et rendront la conduicte de l'artillerie plus malaisée.

Nous n'avons jamais oy parler au Conseil de Sa Majesté que estez en lieu du retrenchement des garnisons que Sadite Majesté avoyt establies au pays de Poictou. Nous avons advisé et résolu au Conseil d'en faire une bonne remonstrance à Sa Majesté, par depesche que luy envoyrons par homme exprès ; et en attendant sa responce et commandement sur icelle, nous avons ordonné au Conseil le paiement desdictes garnisons pour ung mois. Les mille escnz que vou:; demandez pour acommoder voz gens de guerre sont tous prestz, et les avons voulu bailler au porteur pour les vous faire tenir, mais il ne s'en est pas voulu charger, d'aultant qu'ilz sont en espèces blanches, comme il vous dira, et auroit trop peine et trop d'incommodité dudit port ; mais advancez, s'il vous plaist, ladite somme, vous la remplacerez à vostre arrivée en ce lieu.

Le premier jour de ce mois sont partis les gens du feu comte de Roussy de l'armée du Roy, avec le corps de leur maistre qui feut tué à la grande escarmouche que Sa Majesté fist sur ses ennemis le... {'!) jour du mois passé. Ung honneste homme de mes amys, qui est près de Sa Majesté, a faict ung discours de tout ce qui s'est passé en ladicle armée, depuis le xvi' jusques il la fin dudit mois, par lequel apert de beaulx faiclz d'armes de Sadicte Majesté, sa sage conduicte et l'heur duquel Dieu l'assiste. Je l'ai faict imprimer et ne sera achevé que demain :

je suys marry que je ne vous le puis envoler présentement, mais ce porteur vous en dira une bonne partie de la teneur.

Les vil* ou viu* de ce mois, Messieurs le comte de Soixons, duc de Longueville, mareschal d'Aumont et de La Noue debvoient joindre Sa Majesté avec xv^' hommes de pied qu'ilz ont, 11'^' vni^ ou IIP' chevaulx et viii pièces de canon. La Royne d'Angleterre (3) acommode Sa Majesté d'artillerye, depouldres et boulletz et autres munytions, et de vivres à toutes heures et mesmes d'argent ; et m'a on mandé que Sa Majesté attend à toutes heures d'Angleterre et d'Escosse vin" hommes et que cent gentilzhommes d'Angleterre sont arrivez en nostre camp pour veoir nostre guerre. Il y a quatre jours que ung gentilhomme de Mons' d'Espernon, qui vient de Metz les Lorraine, a passé par icy, qui m'a dict que Mons"" de Sobole, lieutenant soubz Mons' d'Espernon à Metz, et au pays Messin, avoyt lettres de Mons' de Sancy, que Sa Majesté a envoyé en AUemaigne, le priant de faire seurement tenir le paquet qu'il luy adressoyt pour le Roy, par lequel il luy donne advis qu'il a receu iii*^ mil escuz de la royne d'Angleterre pour la levée qui se faict pour Sa Majesté en Alleuiagne, qui est de vjii (5) et de xv^^ lansquenetz , et que ladicte levée est toute faicte et preste à marcher. J'espèi'e que nous l'aurons dans la France pour tout ce mois.

C'est tout ce que j'ay digne de vous, qui me fera finir ceste par mes humbles recommandations que je présente à vostre bonne grâce, et par prières à Nostre Seigneur vous donner, Moîisieur, très bonne et longue vie.

A Tours, ce ix" octobre 1589.

Vostre huuible et parfaict amy à vous faire service,