Juin 1590; de Thouars
Pierre Orré, (1), membre du conseil du duché de Thouars,
A la duchesse.
Plaintes contre les usurpations, la méchanceté et l'avarice du prieur de Sainte- Verge. Poursuites judiciaires à continuer contre lui et son abbé, pour maintenir les droits du duché et sauvegarder les intérêts des pauvres paroissiens de Sainte- Verge.
A MADAME , A PARYS
Madame, j'ay bien ozé prandre la hardiesse vous escripre pour vous faire entendre que le prieur de Saincte Vierge (2), en vostre chatellannye de Thouars, ne se contentant du revenu dudict prieuré, qui est de grande valleur, et de usurper sur les riches et grands, mesmement vouUant faire ung fief audict Samcte Vierge, qui seroyt au grand préjudice de voz droictz et de Monseigneur vostre filz duc de Thouars, — ce que voz bons serviteurs de par desçà tasche de jour en jour à empescher telle usurpacion et en a tousjours et dès cy davant procès, mesme qu'il y en a despuis peu de temps esté faict ranvoy aux Requestes d'une cause pour la mesme chose, que je croix que
Mons' Roiibet ne oubliera à poursuivre, — ledict prieur, poursuivant et contynuant tousjours sa mauvaise et pernisieuze envie, tasche par tous subtilz moyens faire perdre une belle auniousne publicque et généralle que doibt ledict prieur, et avoyt accoustumé se bailler audict Saincte Vierge par trois fois la sepmaines; et encore délaisse à faire le divin service deubz en l'église dudict Saincte Vierge et parreillenieiit ne fournist de luminaire.
Quoy voyant, Monsieur vostre advocat fiscal audict Thouars, avec les pauvres habitants dudit Saincte Vierge, qui sont presque tous mandians leur vie (3), au moyen des grandes ruines qu'ilz ont heu par les gens de guerre que charte des bledz qui durent en ce pais y a si long temps, et se ocmante de plus en plus, auroyent saisy ledict prieuré de Saincte Vierge par defiault dudict divin service, luminaire et ausmonne non donnés.
L'abbé, relligieux et couvent de Sainct Jouin lez Marnes [h], dont deppand ledict prieuré, cuidant se exempter faire ce qu'il doibt , forment appel de ladicte saisine et se pourvois! à Poictiers , par une provision. Ce que voyant voz pauvres subjectz, habittans dudict Saincte Vierge, ont trouvé remède se pourvoir par appel en la court de parlement à Paris, où la cause est pandantes à présant par appel; en laquelle iceux voz pauvres subjectz ont bien besoin d'aide pour leur conserver leur bon droict par la faveur de Vostre Grandeur, à laquelle ilz ont recours comuie leur dame et mestresse ayant cest honneur estre voz pauvres subjectz, pour en estres maintenuz et conservez.
Vous supplians très humblement, Madame, leur voulloir aider de vostre faveur à l'endroict de Mons' le procureur général du Roy pour conclure avecques eux en la cause, au désir des lettres par eux obtenues en la court, et aussy envers Mons' de Thellis, leur procureur, pour apporter toutes diligences. Et ce faisant. Madame, ferez œuvre très charittable et pieuze, qui est vostre naturelle et bonne coustume user à l'androict de voz pauvres subjectz comme sont lesdictz habittans dudict Saincte Vierge, la plus grand part des queulx meurrent à force de en-
