jiovembre 1590 ; de la Barre en Benon

N. Boiiju, notaire royal en la ville et gouvernement de La Rochelle, Au même (1).

Présent de sucre, épiceries et confitures. Recommandation du porteur de la lettre pour l'état de procureur fiscal de Benon. Prière de faire anoblir, par le duc de Thouars ou sa mère, un terrain qui lui a été concédé à cens dans la forêt de Benon.

Monsieur, je pançois vous aller baizer les mains et vous porter la moictyé de certain présent de sucre, espiceries et confitures sèches que l'ung de mes amys m'a faict, mais la gendarmerye a esté cause que j'ay rompu mon voiage, d'aultant que n'ay peu abandonner ma maison ; je remectz la partye entre cy et Nouel, Dieu aydant.

Au parsus, Monsieur, je vous'ay beaulcoup d'obligation de ce que, pour l'amour de moy et à ma considération, avez faict plaisir au greffier de Benon sans que je vous aye oncques faict service ne donné occasion de m'aymer; mais puisque, de voz bénignes grâces, il vous a pieu emploier pour ledit greffier, je vous supply très humblement aussy vous voulloyr emploier pour monsieur des 'Roches de Mau Reguard, filz de M' Des Barres, présent porteur, qui est homme capable et entendu en beaulcoup de grandz affaires, pour Testât de procureur fiscal de Benon, dont Mathieu Baudouyn, dict BelOEil, marchant de la Rochelle, c'est desmis entre ces mains. 11 est fort affectionné au service de Monseigneur et de Madame, où l'assurance que luy ferez plaisir m'empeschera vous en dire davantaige. Il est homme qui recongnoistra le plaisir que luy ferez.

Daventaige, Monsieur, je vous supply très humblement de me mander sy il y a moïen de pouvoir faire annoblyr, par Monseigneur ou Madame, la prinse de la Barre, sur laquelle je doibtz tous les ans , à la recepte de Benon , cent dix solz tournoys de cens , sans rien plus. Je porteray coppye de la baiDette signée et vidimée par le greffier et nottaires, pour certiffier de mon dire. Mondit seigneur ou dame pourront convertir ledit debvoir en ce qu'il leur plaira, à chascune mutation de seigneur; et s'ilz me font ceste faveur pour l'amour de vous, ilz m'obligeront de plus en plus moy et les miens à leur faire toute nostre vye très humble service.

Et n'estant la présente à aultre occasion , après vous avoir

très humblement baizé les mains, je suppliray Dieu vous donner, Monsieur, en très bonne santé très heureuze et longue vye.

De vostre maison de la Barre, en la forest de Benon, ce xviii* novembre (2).

Vostre très humble et très obligé serviteur,

BOUJU, .

nottaire du Roy en la tille et gouvernement de la Rochelle.

Olographe.

(1) La feuille d'adresse manque.

(2) Au dos M. Rouhet a complété cette date.