A MADAME DE LA TRÉMOILLE, DUCHESSE DE THOUARS, A LA PART OU ELLE SERA

Madame, nous vous envoyons le présent porteur exprès, pour vous faire entendre la callamitté du temps de présent et qui nous a environnez, tant du party du Roy que du party contraire, pour les grandz subsides qui sont journellement mis sur nous, tant d'une part que d'autre, et pour les courses des gens d'armes et soldatz qui ruynent et ravagent tant le bestial qui est à l' autour de vostre ville et es parroisses circonvoisines. En premier lieu, pour le regard des tailles du Roy, nous en avons tant esté chargez, les années passées que la présente, que nous n'y pouvons plus suffire. Il ce trouve monté à plus de douze mil escuz par an. Et mesmement ces jours passez

nous a esté envoyé une commission pour les fortifications et corvées de .Targueau (1), c|ue le sieui* Du Faur soulloit faire faire aux parroisses et villages proches dudit Jargueau, les quelles corvées il a faict convertir eu assiette en huiuelle il nous y a compris et taxez à la somme de deux cent soixante cinq escuz (juarante solz tournois, comme plus amplement, [pourrez] s'il vous plaist, \eoir par une coppie d'icelle que nous vous envoyous, vous [)riaiit, Madame, de nous ayder en cest endroit de vostre faveur et en escripre à Messieurs les Généraux (2) establiz à Blois, (|ui ont verifllié les patantes du Roy, pour nous descharger d'icelles fortiffications attendu que nous sommes mesmes asst*/ empeschez à fortiffier vostre ville, et pour nous diminuer, à tout le moings à l'advenir de celles du Pioy.

Vous advertissant aussi. Madame, comme, depuis Pasques Flories, le sieur de La Mothe Pothin, vostre vassal, c'est emparé de sondit lieu proche de vostre ville, lequel il faict fortiffier par chascun jour et tient garnison en icelluy de quatrevingtz soldatz pour la Ligue, qui ravissent tout le bestial des mestairies du païs d'alentour et de voz subjectz, tellement que on ne peult plus labourer la terre, et encores cejourd'huy datte des présentes, en a pris et ravy plus de trente, voire quarante, chefz d'aumaille, dont pour les rachepter ilz rançonnent ceux à qui il apartient, et exige tantôt quarante escuz de l'un, tantost trente escuz de l'aultre, tantost vingt escuz d'un aultre. Et ainsi journellement faict tel trafficq et thii'anie, mesmement aussy vient prandre prisonniesr voz pauvres habitans jusques aux portes de vostre ville; et le subject pourquoy il nous faict ainsy la guerre est qu'il dit que les tailles de vostre ville luy ont esté données par Monsieur de La Chastre (3) et qu'il veult que on les luy paye. Nous luy avons remonstré que nous avions un gouverneur qui ne le veult permettre, néantmoings que ledit sieur de La Mothe en aye receu d'aucuns particulliers habitans de vostredite ville plus de six cens escuz; et toutesfois ne se contente de cella, ains persévère par chascun jour en sa première oppinion. Nous en ayons escript soubz vostre faveur, audit sieur de La Chastre, qui nous a faict

responce telle quelle est contenue en ces lettres dont vous envoyons la coppye. Nous souffrons assez journellement d'aultres callamitez que le porteur vous pourra dire et foire entendre de bouche; mais la présente, que nous vous envoyons, est pour les plus griefz qui nous ont assailliz. Nous vous prions, Madame, avoir pithié de nous, voz pauvres suhjectz et habitans, et nous ayder de vostre faveur tant envers mondit sieur de La Chastre que autres que vous estimerez nous faire plaisir, en vostre faveur et de celles de mondit seigneur vostre filz. Ce faisant, vous nous obligerez de plus en plus à tousjours de prier Dieu pour vostre santé et prospérité, et pour l'acroissement de l'honneur de mondict seigneur et de tous ceux de vostre maison.

Priant Dieu, Madame, vous donner, et à Messeigneurs et dames voz enffans, très heureuse et longue vye.

De vostre ville de Sully, le xx* may 159^.

Voz très humbles et obéissans serviteurs et subjetz.