A MONSEIGNEUR LE DUC DE LA. TRIMOUILLE ET DE TOUARS

Monseigneur, il y a quinze ou seize ans que l'occasion se présenta de faire vendre la terre de la Possonnière, dont il y eust heu moyen de retirer lors cinquante mil livres, qui furent offers par ung gentilhomme d'Anjou ; mais en Testât où sont les affaires de ce royaulme, il n'y a espérance quelconque de recouvrer une telle commodité, la province d'Anjou estant affligée par la conbustion des affaires et vostre terre, Monseigneur , scituée en lieu où les courses des ennemis sont annuelles ; comme à la vérité je ne sache homme au pays d'Anjou qui ait le moyen ou qui veille acquérir des terres en la scituation où elle est. Ainsy de ce costé la il ne fault pas faire estât de vous accommoder , soit pour retirer Rochefort ou pour la despence de vostre voyage. Je désirerois. Monseigneur, avoir moyen de vous y faire quelque bon service, et en toutes autres occasions, ayent esté toute ma vie très affectionné serviteur de vostre maison et des vostres. Et en ceste dévoction je vous baiseray très humblement les mains et prieray Dieu , Mon-

seigneur , vous tenir , en parfaicte sancté , très heureuse et longue vie.

De Tours, ce xni° juing 1593.

Vostre très huiwble et très affectionné serviteur,