EN BOURGONGNE

Nostre très honnoré et doubté seigneur, tant et si très humblement que povons à vostre bonne grâce nous recommandons.

Monsgr, nous avons receue voz lettres qui vous a pieu nous escripre, par lesquelles nous adverlis'sez de la venue du lioy, affin de nous pi-éparer à le recevoir le plus honnorablement que possible nous sera; ce que nous désirons plus que toutes les choses du monde, et nous sera le plus grant bien qui nous saiche advenir. Monsgr, à vostre parlement de ceste ville, il vous pleust nous advenir de sa venue en ce pays, par quoy sûmes tousjours esté après à panser de faire tout nostre devoir. Et pour ceste cause les gens d'église, du Roy et nous avons estez assemblez par pluseurs fois, pour savoir connue nous y devons faire, et a esté advisé et conclud tant sur les vivres, chemins, emparemans que autres choses; et de nostre part ne cessons journellement à faiie réparé noz rempars et parachever noz braiches, qui seront parfaite deans dix jours.

Monsgr, du paelle et des autres choses dont nous escripvez, nous y avons advisé, en sorte que nous pansons que le Iioy et vous en serez très contans, non obstant les gians et gros fraiz que avons suppourlez et suppourtons, comme savez. Monsgr, nous noz sûmes tirez par devei's Monseigneur, Mons^ de Jonvelle estant en ceste ville, affin de luy obéir en ce qu'il luy plaira nous commander. Monsgr, le créateur vous doint voz très excellans désirz.

Escript à Dijon, ce vri" de décembre (1).

Voz très humbles et obéissans serviteurs,