A MONSIEUR DE LA TRÉMOILLE, DUC DE THOUARS

Monsieur, je suis tantost près de faire voille et me trouver aux lieux où nostre cauze sera débattue en gros. Je penseray avoir bien pris le temps de mon départ si je vous rencontre et puis faire quelque fidelle service où je voy, ne me délectant pas beaucoup de militer soubz aultres baiidières que les vostres. 11 me souvient, Monsieur, du commandement que vous me feittes de me pourvoir d'un homme de robbe longue, qui prist la charge de démesler le peloton du procès meu entre Monsieur de Chouppes (2) et moy. Je me suis pourveu d'un conseiller de la court de parlement ; et d'autant que la charge de telles personnes incomode et couste à charier, devant que de l'embarquer en ce voyage, je sçaurois volontiers s'il me fera besoinget sy ledit sV de Choupes a ung homme de mesme profession auprès de luy.

Je suis un peu long à me mettre aux champs parceque j'ay esté payé et adverty sy tart que je n'ay presque eu le temps d'assembler ma troupe, encores n'en mènerai je qu'une partie. Mon lieutenant m'amènera l'aultre du costé de Bloys et de la Beausse, où il est allé chercher et achepter des hommes. Sy je n'ay tant d'éclat à l'entrée que pourroit bien avoir quelque aultre, je paroistray plus reluizant sur la fin. En matière de siège et de bloccus, le commencement est tousjours louable, mais la fin en a tousjours esté estimée la perfection. Je laisseray cela. Monsieur, et reviendrayau vœu immuable que j'ay fait de vous estre tant que j'auray de vie, Monsieur, vostre très humble et très fidelle serviteur,