A MADEMOISELLE DE NASSAU A MADAME LA DUCHESSE

Madame, car vous la serés bientost, je m'estone fort que vous avés abandonné le pauvre Monsieur de Rohan pour en prendre un autre (3) qui ne vous a pas fait tant de service que lui. Je m'asseure que, s'il le savoit, il pranderoit aincontinent querele avec luy et le défieroit au combat. J'ay esté fort estoné d'entendre ce changement. Je ne m'iatandois nullement ; je ne me saurois pas imaginer come cela s'est fait si tost.

Je ne say coment vous remercier de ceste belle escharpe que m' avés envolée. Si j'en ay de plus belles, je n'en ay pas que j'ayme tent : Quend je retourneray, je la raporteray toute gastée du sang des Espagnols. Si nous eussions prins la ville de force, je vous eusse envoie force butain ; peut-estre que si nous prenons encore des villes, je vous en aporteray. Tous mes cousains vous baisent les mains, et moy aussi, et vous [prie] d'aimer tousjours vostre bien humble frère et serviteur,