MaiibO^ (1); de Taillebourg

Jean Robert, sergent royal en Saintonge,

A Louis de Yillemorin, serviteur du comte de Taillebourg (2).

Recommandation d'amener à Saintes huit témoins des meilleurs et des plus anciens, pour attester le fait essentiel du procès relatif à la principauté de Mortagne-sur-Gironde.

A MAISTRE LOYS DE VILLEMORIN, A ESPERGNE (3).

Maistre Loys, je me recommande à vouz tant que je puys. L'assignacion pour faire l'enqueste de Monseigneur contre Anthoyne de Monberon, touchant Mortaigne, pend à lundi prochain, heure de huyt heures du matin ; et à ladicte heure est adjourné ledit de MonJjeron, comme appert par la commission, et pour ce ne faillez pas de amener càXainetes, dedans ladicte heure, huyt tesmoings des milleurs et anciens que pourrez trouver, pour monstrer ung fait seulement, qui est tiel. « Que Françoys de Monberon, en son vivant viconte d'Aul- « nay (Zi), père de feu messire Eutache, naguères trépassé, « joissoit, quant il vivoit et jusquesàson trépas, de Mortaigne, « quequessoit d'une partie, et s'en disoit seigneur, et depuys « son décès ledit feu messire Eutache, son filz, quequessoit de « partie et jusques à ce qu'il en fit transport à mondit Seigneur. « Et que feu Guischard de Monberon, père dudit Anthoyne, « qui décéda en l'an mil iiu'^ lxxi, n'en fut jamés seigneur ne « possesseur, quequessoit du tout; et quant il décéda, qui fut « oudit an mil [in'^ lxxi, il n'en estoit point possesseur antien « du tout, ains en estoient seigneurs et possesseurs lesdiz feuz « François de Monberon et Messire Eutache sondit filz, que- « quessoit de partie, ou à tout le moins que autemps de son

« décès ladicte principaulté de Mortaigne, ou partie d'icelle, « estoit saisye, mise en la main du Roy et gouvernée par H commi>^saires. »

Ne faillez que ne ayés à Xainctes ledit nombre de tesmoings dymanche au seoir ou lundi, dedans ladicte heure de huyt heures, et des milleurs sur ledit fait, car autrement ledit Seigneur y aroit dommage irréparable. Et atant vous dy à Dieu, auquel je pry vous donner ce que desirez.

A Taillebourg, ce vendredy matin.

Le tout vostre frère et amy,