A MONS' LE GOUVERNEUR DE PUISAIS

Mons' le gouverneur, tant et de si très bon cueur que faire puis à vous lue recommande. J'ay trouvé Mons' de Nally en ceste court, qui estoit prest de partir pour s'en aler vers ma seur en nostre cartier, et m'a parlé de quelques lettres que madicte seur vous avoit escript, dont vous assure que ce fut sans le conseil de Madame ma mère ; et quant elle l'eut voulu croire, il en fust aie qullrement. Quant j'ay esté arrivé icy , Madame m'en a tenu souvent propos. Toutesfoiz la chose n'est point encores exécutée, par quoy y a bon et aysé remède, nonobstant que je vous assure bien que madicte mère, quelque chose qui fust advenue, ne l'eust pour ce laissé partir sans estre adverlie du vouloir de Madame, deMons"^ delaTrémouille et de vous. Madame en escript à ma seur et à ma mère aussi. Je croy que après que ma dicte seur aura veu ces lettres , qu'elle changera propos.

Au surplus, Mons' le gouverneur, deulx raisons m'ont meu pour venir en ceste court: l'ugne est pour venir présenter mon service à Madame (3) et pour chasser quelque aft'aire que je y ay; l'aultre pour adviser, auvecques le conseil de mes amis, de quelque party de mariage pour moy. Et quant à ce segond point, pour ce que l'aliance qu'il pleust àfeu Mons' de Mesières nous donner auvecques sa fille est si très bonne, tant pour la race d'où elle est exlralcte que pour son personnage, auquel j'ay trouvé d'honnesteté et bonne amitié ce qui est possible ^ ma mère et moy désirerions merveilleusement que ladicte aliance et amitié fust continuée ; à cause de quoy vous eu ajr

bien voulu escripre et advertir, avant que entendre ailleurs ne chercher aultre party.

Que s'il plaist et semble bon à Mons"" de La Trimouille et à vous, coaiine priiicipaulx administrateurs tant des biens que des personnes des enfans de feu Mons" de Mesièies , que l'aliance desja commencée entre eulx et nous, par le mariage de feu mon frère le visconte de Lavedan (/i) et ma seur Madame la viscontesse qui est à présent, soit continué par nouveau mariage de Mademoiselle de Mésières, ma seur qui est icy, et moy, s'il plaist à mondit sgr de La Trimouile et à vous d'envoyer homme exprès icy ou là où sera la court dedans troiz sepmaines ou ung moys, pour donner ordre à ceste affaire, ou aultrement me mander où il luy plaira que je me trouve vers luy ou ailleurs, à quoy je ne vouldray faillir, je vous assure, Mons' le gouverneur, que vous ne me trouvères non plus desraisonnable que ont esté les aultres, et pour la bonne alfection que j'ay que la chose fust desjà faicte, je vous en ay bien voulu présenter le premier propos, par quoy vous prie que y vueillés adviser, et le plus tost que possible vous sera m'en mander vostre vouloir et inlencion, aflin que sceu celuy, si ainsi est qu'il ne vous plaise, que je face response à aultres de qui je suis assés pressé. Cependant, Mons' le gouverneur, si en auchung endroit vous puis faire plaisir, en le me faisant sçavoir vous me trouvères prest à m'y employer de toute ma puissance.

Atant prie Dieu, Mons' le gouverneur, vous donner ce que désirés.

De Lyon, ce xxiv' jour de janvier.

Le tout vostre bon amy,