A MONS-- LE CAPPITAINE DE LANDES

Mons', je me recommande humblement à vostre bonne grasse. Rochechouhard envoya son serviteur pour aporter les ornemens d'église à Saint-Jehan , le samedi enprès que fustes partir de Landes, et s'atendoet que je bailglases quarante livres aux Cordeliers. Ledit Rochechouard envoya son home avecques une maie et les hornemens à Saint-Jehan, et pensoet que je fuse chés les Cordeliers por bailglé quarente livres; et dist ledit homme aux Pape (1) que ille s'en allât aux Cordeliers savoer se je l'advoés porter l'argent. Quant le Pape fust de retour, le home dudit Rochechouard m'a récrit les plus horibles lettres que jamays l'on vit : et que ille me ferroet voler et mestre en lieu que jamays ne seioit nouvelle de moy ; dont vous playra en parlé à Monsgr.

ïlle est venu ung voleur aux chastcau, despuys quinze jours en sa, l'antra l'espée toute nue et demenda à boyre; et l'on luy

fist response que ille n'y advoet point de vin. A l'eure va prendre voustre arbalestre et l'enporta, et devent Pape et pluseurs autres. Ille vous playra venir ou rexcripres à Pagon ('2), pour advoer mendement de Mons'' le lyeutenent pour prendre le pailglart an quelques lieu que se soyet. Je say bien que de moy je ne dô fayre la suyte, parse que je suys home d'églize; ille vous playra le mendé à Pagon et feray les myses. Je n'ay point vendu de blé et n'en puys tant trouvé comme aux commensement. Mendés moy se que vouldrés que je fase du tout, ou escripvrés et je feray tout le contenu. C'est tout, sinon que Dieu vous doint sa gi'àse.

Escript chés vous, cetuy lendemain S'^ Agate, par le tout vostre humble serviteur,

LOYS RICHART, vicayre de la Vergne Olographe.

(1) Surnom d'un serviteur?

(2) Serviteur du capitaine.

A5. — 3 décembre 1527; de Mmizé.

François de Rochechouart, vicomte dudit lieu, Au vicomte de Thouars.

Ayant abandonné ses droits sur Landes, il réclame le paiement de sa pension et prie qu'il ne lui soit point fait de procès.

A MONSEIGNEUR DE LA TRIMOUILLE

Monseigneur, si très humblement que faire puis à vostre bonne grâce me recommande.

Monsgr, de mon droyt que je avoye à Landes, je en ay fait tout se qu'il vous a pieu pour avoir vostre grâce et pençant estre bien payé de la pencion que m'avez ordonnée, que je ne puys avoir sans plaidoyé ; et me coustera la moytié pour avoir l'autre. Vous avez affermé la terre de Landes à Bourget qui a prins ung presbtre son parsonnyer, qui dit avoir quelque céduUe de feu mon filz (1) et ne me veult bailler mon argent que

cestuy là ne soit payé, auquel il n'est rien deu; et me semble qu'il fauldroit que les cédulles fussent congneues et que je feusse appelle. Ledit presbtre avoit fait saisi le terme de la Toussainctz a mon deu. Il a esté dit par le lieutenant de Xantonge que la saisine est nulle et ma main levée, et condempné aux despens, comme pourrés voir par le procès que envoyé. Encore ne puys je estre payé et [il] cherche les cédulles pour avoir occasion de ne me bailler argent. Je vous supplye, Monsgr, faire bailler ad ce porteur les cens livres qui me sont deuz audit terme de la Toussainctz, sans me donner poyne de plus l'aler demander audit Bourget.

Pareillement, Monsgr, la maison de Saint- Jehan, qui est à feu mon filz, celluy qui la tient n'en veult sortir. Il allègue que feu mondit filz luy avoit donnée, qui ne monsterra jamais. Vous m' estes tenuz au gariment. Je vous supply, Monsgr, me faire ce bien de faire bailler les deux cens livres de la faculté que avez retenue de ladicle maison ; et que l'argent soit mys à accomplir le testament, que je ne feroye faire si je ne suys payé. Je ne veuls point plaidoyé et aymerest myeulx vous quicter tout (2). A ceste fin je vous envoyé le contraict de l'appoinctement que m'avez faict avecques mon procureur. Je remect le tout à vous. Mons"" de la Rochefoucault (3) et les curateurs de mes enffans, en ahient ledit appoinctement que j'ays fait, me tienent la plus grousse rigueur du monde, et m'on gettez hors du château de Mauzé (h) et suys maintenant sans logis. Je vous supplye, Monsgr, qu'il vous plaise avoir pitié de moy et ne me fere point plaidoyé, car je ne puys pas vivre et remect le tout sur vostre conscience. Ce porteur vous en dira plus aux ion. Je vous supplie le oyr. Monsgr, je supply Noustre Seigneur vous donner très bonne vie et longue.

De Mauzé, le tiers jour de décembre.

Vostre très humble serviteur,

F. DE ROGHEGHOUART.

Orig. signé.

(1) Bonaventure de Rocheebouart, mort depuis peu sans avoir été marié et qui avait eu pour mère Renée d'Anjou, sœur paternelle des enfants d'Anjou-Mézières.

(2) Il lui avait écrit le 23 avril précédent :

« Monsgr, je vous suppliray encores cette foys très humblement a qu'il vous plaise ne me faire point playdier et me fère raison. Je « suys vieulx et maladif et ne demande que reppoux. »

(3) François II, comte de la Rochefoucaud, dont la sœur, Jacquette, avait été la seconde femme du vicomte de Rochcchouart.

(4) En Aunis, aujourd'hui département des Deux-Sèvres.