février, vers 1530 ; de Guémené

Marie de Rohan, dame de Guémené (1),

A la même.

Même objet que la lettre précédente.

A MADAME MA COUSINE MADAME DE LA TRIMOUILLE

Madame ma cousine, j'ay veu ce qu'il vous a pieu m'escripre, et m'a esté bien grant plaisir sçavoir de voz nouvelles aultant que de personne que congnoisse en ce monde. Quant au regard du plegement que m'avés faict sçavoir, j'en advertiray Mons" de Laval au plus tost que me sera possible, affîn qu'il ayct à meptre les choses à la raison, de sorte que ne

ayons à nous mal contanter d'une part ny aultre ; car ne vouldroys pour riens que aucun différant se trouvast entre vous et ma fille vostre seur, fors estre toujours moyen, à mon povoir, d'y entretenir toute bonne amytié et vous faire tout le plaisir qu'il me seroit possible en tous les lieux ou vous plaira m' employer. Me recommandant de très bon cueur à voslre bonne grâce, pry Dieu, Madame ma cousine, vous donner bonne et longue vie.

De Guémené, ce xv* de febvrier.

La plus que toute vostre milleure cousine,