A MON COUSIN MONS' DE LA. TRIMOILLE

Mon cousin, j'ay entendu que encores n'est vuidé le faict de l'abbaye de La Roue, dont le Roy Monseigneur et filz a, à ma

requeste , puis naguières pourveu le filz du s' de Lymours , général de ses finances (2), et que, pour toujours adjouster aux difficullez et empeschemens qui se y sont jusques icy faitz contre l'auctorité dudit seigneur, vous avez mandé aux officiers de Cran qu'ilz prinsent et enlevassent certaines gerbes de bléz et foaingz appartenant à ladicte abbaye ; ce que je n'ay peu croire, saichant assez que, en cest endroict et autres qui dépendront de l'intencion dudit seigneur, vous n'y vouldrez mectre contradicion ny empeschement. Et à ceste cause, ay je bien voullu vous en escripre la présente, pour vous prier, mon cousin, que si ainsi est que les voyes et moyens dessusdiz y aient esté tenuz, qui ne se pourront nullement bien prandre en ceste coinpaignie pour n'estre de raison, et licites, vous ordonnez à vosdiz officiers de cesser lelz subtilz empeschemens, restablissant à ceste fin ce qui auroit esté prins et ravy desdiz biens de ladicte abbaye , tenant au demeurant la main où besoing sera, en manière que l'inlencion et voulloir dudit seigneur qui est que le filz dudit s' de Lymours demeure paisible et joyssant de ladicte abbaye, sortisse son pîain et entier effect. Au demeurant, mon cousin, j'ay esté advertye que, à cause de ladicte abbaye, il vous sera deu quelques droictz et devoirs, dont je vous prie composer avec ledit de Poncher amiablement, et luy faire en cela plaisir pour famour de moy, et je me asseurre que en ce faisant que ferez à mondit seigneur et filz service et à moy plaisir très véritable. Priant Dieu, mon cousin, qui vous ayt en sa très saincte garde.

Escript à Thours (3), près Bourdeaulx, le xvni' jour de

juing.

Vostre bonne cousyne,