A MONSEIGNEUR, A THOUARS

Monseigneur, depuys mes lettres escriptes, yer le Roy assalit les tenans et fournit le pas, où il courut quinze lances dont il rompit les quatorze; et s'en rencontra une sur Morin (2) de si grande force qu'elle luy persa le bort delacuyrace et l'a blessé, en sorte qu'il est en dangier de mort.

Le commung bruyt est que l'entrée de la Royne se faict de jeudy en huyt jours (3). Elle feist arsoir son festin en la grande gallerye des Tournelles ou il n'y avoit que une seulle table qui tenoit d'un bout à l'aultre.

Au commencement estoit Mons' le grant maistre [h) et après Mademoiselle Despeaulx, après la fille de Bonneval, Helly, le Roy, Madame Daubigny, le cardinal de Lorenne, Madame la grande sénéschalle, 1-e roy de Navarre, une autre damoiselle dont je ne say le nom; toutes habillées à Fitalyenne de satin cramoysy. Après y avoit xxx ou xl damoiselles habillées à la mode de France, entre lesquelles estoient les enfans de Mess" de Vendosme, de Lorenne et de Guyse et tous les jeunes seigneurs qui sont à la court.

A l'autre bout de la table estoient assis le cardinal de Bourbon ; après Madame de Lorenne, Madame de Vendosme, la seur du roy de Navarre acoustrée à rytalienne bien tryomphante, de toille d'argent; après la royne de Navarre et la Royne droit de la chemynée soubz le poille. Près d'elle de deux piedz. Mademoiselle Magdelayne, Mons' d'Orléans, et tous les enfans du Roy ; et estoient très joinctz ensemble, tant du Roy que de la Royne.

De l'autre cousté, estoit Mons' de Guise, Mons' de Saint-Paol et toutes les filles de la Royne du pays d'Espaygne davant le Roy. Après soupper l'on dança les balles et feist dancer la Royne Mons' le grant maistre, Mons' de Guise, Helly, Mons' le Daulphin Speaulx (5) .

Qui est tout ce que j'ay peu sçavoir despuys mes lettres

escriptes (6); suppliant Nostre Seigneur, Monseigneur, vous donner bonne vie et longue.

De Paris, le xxu' de febvrier, Vostre très humble et très obéissant serviteur,