février ïhZl, de Paris

Jean de Ravenel, s'' de la Rivière (i),

Au même.

Demande d'argent pour payer les habillements du prince de Talmont et du sgr de Mézières, fils aîné et neveu de La TrémoïUe.

Présentation au roi des lettres de recommandation concernant ces jeunes seigneurs.

Festins et tournois.

A. MONSEIGNEUR

Monseigneur, j'ay receu les lettres qu'il vous a pieu m^escrire par Puiboillart (2), par les quelles me mandez que je face prendre des marchans jucques à huit cens ou mil francs d'abillemens. Je ne scay, Monsgr, si c'est oultre ce que aviez faict mètre par mémoire, parce que ledit mémoire a esté mys à exécucion, ou peu s'en fault, davant que fussions arrivez en ceste ville ; car j'avoys envoyé davant faire lesdits habillemens, autrement Mess" le Prince et de Mézières eussent esté très mal en poinct. Il vous plaira m'en mander, vostre bon plaisir.

Monsgr, mesdits s" font, Dieu mercy, très bonne chère et sor,t aussi seings que je les ay point veuz. Mons' le Prince présenta voz lettres au Roy, quy les bailla à Mons' le grant maistre sans les veoir. Mons'' le grant maistre est si très empressé pour ce tournoy, et pour l'aultre qu'on dict qui sera de jeudi en huit jours, quy n'expédie rien. Je foys grant doubte que nous n'aurons point table chés Mons' (3), car Mess" de Uohan [h) en ont esté ostez et mengent à leur logeis. Nous soiumes logez droict devant le logis de Mons" de Laval (5), qui faict fort grant chère à mesdits s", et par especia à Mons' le Pi lice, et les envoyé quérir souvant pour disgneravecquesluy.

Monsgr, Mons' le Prince a aussi présenté voz lettres à Madame (6), qui les leut en présence de la Roine de Navarre, qui n'a point esté à Alanczon (7). Il est nouvelles, après ce tournoy achevé, que le Roy s'en va en Normandie, ou l'on dict que les vivres sont plus chers qu'ils ne sont encores icy. Nous vivons le plus estroictement qu'il est possible, et si ne despen-

dons guères moings de vingt livres par jour. Je vous supply très humblement, Monsgr, envoyer Presles ou quelque autre, pour entendre au faict de la despance, car il n'est possible que je y peusse vacquer; et envoyer de l'argent, car il n'y a plus que deux cens soixante livres, et ne se fault atandre d'avoir crédit au temps qui court.

Monsgr, le Roy clouit hier le pas des courses en lisse, etcroy qu'ils achèveront ceste sepmaine le demourant. Tous les seigneurs de la court ont faict des festins. Le Roy fist hier le sien, qu'on dict qui fut le plus triomphant du monde (8). Je n'y ay point mené mesdits s", à l'ocasion de la grant presse qui a esté partout.

Monsgr, je supply le Créateur vous donner bonne vie et longue.

De Parys, ce xxu* jour de febvrier.

Vostre très humble et très obéissant serviteur,