A MON BON COMPÈRE MONS-^ DE FENIOUX

Mon compère, je me recommande à vous tant et si humblement que je puys.

Pierre de La Salle est arrivé aujourduy de Paris, qui a porté des lettres qui s'adressent à vous, et y en a de Madame de Briefve et de Mons' de Bredon (2) , lesquelles on vous envoyé ; et entre aultres y en y a de parchemin, qui sont touchant la ferme de Foye (3), lesquelles je retiens pour ce qu'elle doit envoyer ung de ces gens ces jours ycy pour ladicte ferme de Foye. Aultre chose ne vous rescrips, sinon que tout le monde de pardessà fait bonne chère fors que moy qui suys tousjours en ung estât. Madame de Bruzac, ma seur, m'a escript pour mon nepveu Auton, qui luy a compté de ma malladie, la quelle en a esté tant desplaisante et a envoyé en tant de lieux pour moy, et mesmement à Nostre Dame de La Meulle; et par ces lettres ce recommande tant à vous que pos.<?ible luy est. Elle m'a envoyé quelques receptes et dit que si j'en veulx user qu'elle a espérance que j'en guériray, au plaisir de Nostre Seigneur, lequel je prie vous donner bonne sancté et longue vie; vous priant que par le premier qui viendra de pardeçà me faictes sçavoir comme vous estes porté ce voiage.

A Taillebourg, ce lundi landeraain desRameaulx par la toute vostre bonne commère.

YZABEAU DE BRUZAC.

Orig. signé.

(1) Nous n'avons aucun renseignement sur la généalogie de la saintongeoise Isabeau de Bruzac. On trouve dans le P. Anselme, t. vu, p. 302, un Jean de Bruzac, vivant vers le milieu du xv" siècle, qui devint le deuxième mari de Catherine de Gontaut; et t. iv, p. 124, un Brandelis de Gontault, sgr de Brussac, au commencement du xvi° siècle.

(2) Ces personnages nous sont aussi inconnus, de même que le sgr d'Auton, peut-être parent de l'historien et ancêtre du sénéchal de Saintonge sous Louis XIII.

(3) Il y a une localité de ce nom près d'Angoulême.