A MON COUSIN, MONS"- DE MAULÉON

Mon cousin, je suys bien aise avoir entendu de vos nouvelles. Et pour le propoux de la fille de quoy m'escripvez , je n'ay esté paraisseuse en vollonté d'en sçavoir, mais ceulx par qui j'en désire ouyr la vérité ont esté sy mallades et encorez sont, jucques à extrémité de vie, par quoy sy vous plaist m'excuserez jucques au retour de leur santé, et de moy qui voys demain trouver Monsieur mon mary. S'y m'est possible , ne sera mon voiage que de troys sepmaines au plus. J'é entendu les mariages pour les homes, ainssi que me les escripvez ; et venant les choses en mesme effect ; et les vostres ainssi que me les avez dictez, il me semble (|ue ne pouvez myeulx fere que suyvre vostre première oppinion, puysqu'il vous plaist en sçavoir la myene. Et me recommanderé à vostre bonne grcâce, comme celle [qui est] vostre obéissante et bonne cousine,