décembre [1533J ; cfe Paris

François d'Availloles, s"" de Roncée, et N. Du Boys, s"" de Nailly, officiers de la maison de La Trémoïlle,

Au vicomte de Thouars.

Récit de la captalio'n exercée par Catherine de Clermont, veuve du baron de Mareuil, en Angoumois, pour fiancer sa iille au jeune sgr de Mézières (1), pupille et futur gendre du vicomte. Recours à la reine de Navarre, sœur du roi de France. Démarches immédiates pour détruire les conséquences de ce rapt et en punir les auteurs.

Monseigneur, il nous desplaist merveilleusement de vous advertir d'une fortune qui nous est advenue, que trouverez bien estrange. C'est que Mons'' de Mézières vostre nepveu, a esté logé en l'ostel de Nevers (2) en ceste ville, et oudit hostel estoit semblablement logée la dame de Mareul et une sienne fille , qui sont d'Angoumoys et seur du seigneur de Dempierre (3). Et atant fut [procédé] par allées et venues, menés et subornations secretz, qui se faisoient pendant que étions au palais et ailleurs à la poursuyte de voz affaires et des siennes, dont n'estions advertiz ainsi que Hardouyn [h) présent porteur vous pourra dire et advertir, et tellement qu'elle a gaigné vostredit nepveu et luy a faict faire quelque promesse de mariaige à sa dicte fille, comme il nous a ce jourduy confessé ; et à matin avons esté tous esbahis que cedit porteur nous est

venu clierchei', pour ce qu'il disoit que vostredit nepveu estoit allé en la chambre de ladicte dame de Mareul et qu'elle le vouloit faire fiancer.

Au moyen de quoy sommes en diligence allez en la chambre de ladicte de Mareul, qui a esté trouvée fermée, et à force de heurter a esté ouverte ; en la quelle chambre estoit mondit sgr vostre nepveu, lequel a[vons] incontynent prins et emmené de là, maulgré ladicte dame de Mareul. Ce faict, luy avons demandé que c' estoit qu'elle luy vouUoit faire foire ; lequel nous a dict qu'il avoit faict promesse de raariaige avecques la fille, mais qu'il l'avoit faicte soubz condition que en faussiez content, et le Roy et la royne de Navarre, dont avons esté aussi esbahis que de chose qui nous advint oncques. Et après avoir entendu ce que dessus, uioy Ronsée suys allé au logis de la royne de Navarre, à laquelle ay dict et déclairé de mot à mot ledit affère tel que l'avons entendu ; sur quoy elle a vouKu parler à vostredit nepveu et luy a faict les interrogations comme tout ce fait estoit advenu et par quel moyen, lequel les luy a déclairez.

Et après avoir ce entendu, ladicte dame luy a fait beaucoup de bonnes remonstrances : toutesfoix qu'elle trouvoit que ce qui avoit esté fait ne povoit valloir par la forme qu'il s' estoit fait, et que c'estoii ung vray rapt et sédeution, où il failoit remédier et par conseil, et m'a dict à moy Ronsée que assemblasse le conseil en la maison du chancellier d'Allençon, pour savoir ce que y estoit affaire. Et sommes après pour ce faire, et quant et quant avons deslogé vostredit nepveu dudit logeis ; dont sommes en peine et en esmoy merveilleux, et vous envoyons ce dit porteur exprès affin qu'il vous plaise commander ce qu'il vous plaira qui soit fait oudit affaire. Madicte dame la royne de Navarre vous en escript bien amplement, et depuys a assemblé son conseil pour ceste affaire.

Monseigneur, nous supplions Nostre Seigneur vous donner très bonne vie et longue.

De Paris ce xviif (5) de décembre.

Monseigneur, depuys noz lettres escriptes, avons assemblé le conseil pour adviser ce qu'il estoit y faire ; et avons trouvé

que en la forme que les choses ont esté faictes c'est ung vray rapt, dont il fault faire information, Nous avons obtenu commissioii du prévost de Paris pour fere ladicte informacion et avons faict examiner quelques témoigns et sommes après pour parfaire icelle information, affin de y ordonner et donner provision ; et semblablem.ent en la court de l'église selon les article des quelz vous envoyons ung double, ensemble du contract. Nous en ferons la poursuyte au myeulx qu'il nous sera possible. Nous avons trouvé qu'il est advenu semblables cas en ceste ville qui ont esté adnullez, en ayant dispense du pappe, pourveu qu'il n'y ait poinct d'atouchement , et espérons en faire ainsi.

Vos très humbles et très obéissans serviteurs,

D'AVAILLOLLES. — DU BOYS.

Original.

(1) Nicolas d'Anjou avait un peu plus de quinze ans, et Gabrielle de Mareuil dix-huit. Catlierine de Glermont, mère de celle-ci , était veuve de Guy, sgr de Mareuil et de Yillebois. Le dossier complet, et très curieux, do ces fiançailles, d'où sont tirées la présente lettre et les trois suivantes, a été publié dans les Mémoires de la Société de Slalistique des Deux-Sèvres , année 1875. Il y a eu un tirage à part.

(î) Paroisse des Grands-Augustins, et par conséquent à proximité des écoles que suivaient M. de Mézières et son cousin le prince de Talmond.

(3) Jacques de Glermont, Qls de François, sgr de Dampierre et d'Isabeau Ghaudrier, (probablement fille de Jean, sgr de Nieul, et de Jeanne de Goulaines), tante de la mère du célèbre Pierre Ronsard.

(4) Dit de Berrie, valet de chambre de M. de Mézières.

(5) Sic pour xvuii. Gette rectification et notre addition de l'année résultent de plusieurs pièces du susdit dossier.