A MADAME MA BELLE-MÈRE

Madame , je me recommande très humblement à vostre bonne gràse.

Madame, j'ay veu lez laystrez quy vous a plu me récryere,et suys byen joyesse d'avoyr su de vos nouvellez et de sellez de Monseigneur, et osy de mon fiz, car c'est unne chousse que tourjours bien je désyre, etdevous voyr. Madame, Monseigneur me recryet quy me vera byen tousi, mays je ne se sy se sera ysy ou càEnboyse, car nous ne savons encorez commant nous en yrons d'ysy. Je vous ay récryet naguèrez, et m'atans que byen toust je soré encorez de voz nouvellez. Toute la court est à Enboyse, comme je croy que vous savez. Quy sera pour vous fayre la fin de ma laystre, requérant Dieu, Madame, quy vous doynt très bonne vye et longue.

Escryet au Plesiz, de la mayn de vostre très humble et très obéyssante fylle,

LOYSE DE COETTIGVY.

Olographe.

(1) Fille unique de Charles de Goëtivy, comte de Taillebourg, et de Jeanne d'Orléans-Angoulème ; cousine germaine du roi Louis XII ; mariée le 7 février 1501 à Charles de La Trémoïlle, prince de Talmont, par suite de la mort duquel elle devint folle, n'ayant eu qu'un fils, François dont il sera parlé ci-après.

Hugues Le Masie, trésorier du susdit archevêque d'Auch,

A celui-ci qui vient d'être nommé cardinal (i).

Dépenses ordinaires pour la réception du chapeau ; argent à recouvrer. Nouvelles et affaires du vicomte de Thouars. Paiements divers à effectuer.

A MONSEIGNEUR

Monseigneur, Guyot m'a envoyé ycy son homme de Tours, qui est là demoré malade, et m'a esté baillé par lui ung pacquet de par vous. Pour respondre ou premier article, je nie suis addressé à monsieur de Quarente, et lui ay demandé, quant le cbappeau fut appourté à monsieur le Légat, commeillereceut. Il nïa fait responce que quelque soubz-maistre d'ostel du pape eut l'oclroy de le lui appourter, et lui fut fait présent par lui, par commandement de monsieur le Légat, de lui fournir ccc escuz sol seullement ; et oultre cela il ce donna à autres personnages environ ce escuz. Vous devez entendre quecemaistre d'ostel vint en la compagnie du duc de Valentinoys (2) . Monseigneur, je croy que, oultre ce qui vous a costé, il ne vous sauroit coster m escuz ou guèies davantaige. Vous aurez à recompancer le varlet de chambre , qui n'a eu que c escuz de vous, et oultre le sieur de La Forest, qui vous a très bien servy.

Monsgr partit hier, bien délibéré, et me commanda vous escripre que vostre pleisir fust vous retirer promptement en sa maison, vers Madame, pour la consoler (3): par quoy , Monsgr, vous ferez bien de partir incontinent pour y aller ; mais mandez tousjours ou vous serez, afiin qu'on vous y aille trouver. Monsgr, touchant madamoiselle de Tonnerre [li],

je m'en yré vers elle incontinent que je pourré, mais à mon advis que ce ne sera pas chose preste que de son argent ; car je vous advise qu'elle est assaillie de tous costez, entre autres de monsieur de Bommiers pour c livi'es de rente rachetable de iP' 1. t. lesquelz il a laissez à senconvent des Bons Hommes (5), et les leur convient rachetter. Pareillement le sieur des Roches, vostre nepveu , l'assault. Monsgr , sans point de faulte ilz ont des affaires ; toutesfoiz, Monsgr, je m'y en yré et feré mon devoir de leur remonstrer J'affere que vous avez.

Monseigneur, je ne puis aller pour le présent au lieu de Saint-Aignan (6) pour la charge que monsieur vostre frère m'a baillée, car il fault que je recouvre son expédicion et sa puissance de son gouvernement ensemble que je sollicite sa creue de pancion, qui est de iiii^^ 1. t. pour icelle faire coucher en Testât, ce que je feré, car je sçay que l'aurez pour bien aggréable; et la dicte expédicion recouverte, m'a commandé la luy envoyer à Paris, ce que je feré semblablement. Monsgr, je croy ad ce que mons' vostre frère m'a dit, que le Roy vous mandera pour prendre et recepvoir ycy vostre chappeau: par quoy, Monsgr, vous y pourrez pancez pour vous apprestez incontinent ou pour vous excusez, si bon vous semble. Mons' de Bayeux (7) n'a point esté ycy depuis que le Roy y est ; mais je croy qu'il y sera en brief.

Monsgr, je me recommande toujours très humblement à vostre bonne grâce, vous supplyant me mandez si estes point délibéré de me riens remectre de ce que je vous doys par la fin de mon compte; et sur ce, Monsgr, je prie Nostre Seigneur qui vous doint bonne vie et longue. Monsgr, nions' de Vaulx m'a rescript ses jours qu'il a une obligacion pour les orfrays de la chappelle que vous entendez donnez à Poictiers; mais que au regard de celle de la crosse que je la devoye avoir, parceque j'avoye fourny l'argent. Monsgr elle vous fut baillée à Paris, sans point de faulte ; et croy que la trouvères avecques ung compte que vous rendiz à Paris dernièrement.

Vostre très humble et obbéissant serviteur en tout,