mars 1534 ; de Paris

Le susdit sgr de Mézières, Au même, son oncle.

Prière de lui venir en aide pour faire terminer deux procès, notamment celui contre M""' de Mareuil (1).

À MONSIEUR

Mons', j'ay prié Mess" le conte de Tonnere et de Boysy (2) m'estre aydans envers le Roy pour le supplier d'envoyer quel- XIX 8

— nii —

qun devers le premier président de me donner audience et faire expédier mon procès contre la dame de Mareul, ce qu'il a faict, et es[)ère, Mons', que avant que soit deux jours il sera sur le bureau, car il m'a promis aujourduy me fere donner audience, suyvant le commandement qu'il a du Roy. Mons' le cardinal de Lorraine (3) m'a encores aujourduy prorais de rechef en parler au Roy pour envoyer quelque gentilhomme au pallais vers Mess" de la court , afîîn de leur recommander à tous en général mondit affère; et m'en voys au couscher du Roy pour le fere commander, s'il m'est possible.

Touchant des procès du bail et de Sainct Morise, le conte de Dampmartin en faict poursuite assez pour nous deux et a employé Mons' le grant maistre (à) qui en a parlé aux présidens, comme on m'a dit, combien ainsi que je pense, que n'en saurions avoir expédition jusques après Pasques.

Si c'est vostre plaisir, mondit affere expédié, me donnerez congé de acompaigner Mons' le prince (5) à suyvre le Roy affin de m'einployer à luy fere service et à vous, Mons', pour récompense de tant de peyne et ennuy que je vous ay donné, et à tous mes amys; dont il me desplaist et desplaira toute ma vye, nonobstant que j'ay bonne voulenté de ne vous fere jamais faulte et ne tumber en tel inconvéniant. Me recommandent très humblement à vostre bonne grâce, Mons', je supplie Nostre Seigneur vous donner très bonne et longue vie.

De Paris, ce xvii* jour de mars.

Vostre très humble et très obéissant nepveu,