JUIN

Henry, par la grace de Dieu, roy d'Angleterre, héritier et régent du royaulme de France et seigneur d'Irland aux gardes de nre monoie faicte et forgée en nre cité et bonne ville de Rouen, salut. Nous.vous mandons que vous facelz fere en nre dicte Monnoie blans deniers applez gros, ayans cours pour vingt deniers tournois la pièce, à deux deniers douze grains de loy, argent-le-roy, et de VIEIL s. [SIT d. de pois au marc, sur le pié de monnoie huit vintiesmes (2), semblable de fourme à ceulx que nous faisons de présent faire en nre dite monnoie, excepté quil y aura escript devers la pile, en lieu de Henricus Francorum rex, H. REX ANGLIE ET

(1) Dès les premiers jours d’avril 1420 , Ilenri avait signé des protocoles du traité de paix, qui fut réalisé à Troyes le 21 mai suivant, et avait renoncé au titre de roi de France; on a donc lieu d'être surpris, avec Rapin-Thoiras, de le voir encore ordonner de mettre ce titre sur ses monnaies.

2; C'est-à-dire, de monnaie fabriquée de telle sorte que le marc d'argent-le-rai produise 160 fois cinq sous ou quarante livres.

PIÈCES JUSTIFIGATIVES. 197

HERES FRANCIE, aux remèdes telx que on fait de présent en la Monnoye de Paris, faisant donner par le maistre particulier aux changeurs et marchans, pour chacun marc d'argent, aléé comme dit est, vingt et six livres tournois. Et de ce faire vous donnons povoir et mandement especial; mandons et commandons à tous noz justiciers, officiers et subgiéz que à vous et à vos comis et depputéz, en fesant les choses dessus dittes et leur circonstances et deppendences, obéissent et enteudent dilig-amment. Donné a Bray-sur Saine, le XVIe jour de juing.

Semblables lectres soulx mesme la date sont adresséz à garde de monove de Seint-Lo.

PATENTES NORMANNIÆ anni octavi Henrici V, parte 2 , membranà 29, dorso. — RymEr, éd. de 1729, 1. [X , p. 920. — Ordonnances des rois de France, 1. XI, p. 91.

Lettres pour faire fabriquer de la forte monnaie d’or et d'argent.

6 mar 1421.

DE PAR LE ROY. Gardes de la monnoye de Rouen : savoir vous faisons que, pour certaines causes à ce nous mouvans , et par l’advis et délibéracion de nre Conseil, nous voullons et avons ordonné estre fait en toutes nos Monnoyes pour le temps advenir monnoye d'or fin , à unq quart de carat de remède, de soixantesix deniers de pois au marc de Paris, qui auront cours pour XXII s. VI d. tournois la pièce. Et sera paié aux changeurs et marchans, pour chacun marc d'or fin par eulx livré en notre dite Monnoye, LXIIII d'’iceulx deniers d'or des quieulx l'en vous envoyera la fourme et le nom que nous vouldrons come ilz serait denoméz avecques les estarlons ; et metiré doresenavat pour chacun IT d. (4) du dit or que vous délivrerez unq denier en boëte ; item deniers blancz d'argent, appelés gros, qui auront cours pour XX d. & pièce, à XI d. XIT grains de loy, argent-le-roy, et de

(1} Je pense qu'il faut lire Il °. d., c'est-à-dire, deux cents deniers ou pièces, le mot denier étant pris ici dans le sens générique de pière de monnaie quelconque.

VIT s. IT d. et ung quart de denier de poys au dit mare, sur le pié de monnaie XX Xe, et demys gros sur le dit pié et à la dicte loy et de XIIIT s. ITFT d. et demi d. de poys à ycellui marc, qui auront cours pour X d. tournois la pièce, desquieulx gros et demy-gros nous vous envoyons les fourmes avec les escallons cy dedans enclos. Et ne seront point blanchiz iceulx deniers d'argent, maiz seront monnoyéz tieulx coment ils vendront de la main des ouvriers. Et sera paié aux changeurs et marchanz, pour chacun marc d'argent qu'ilz livrenten nre dicte monnoïe aloyé à la dicte loy, VIE 1. tournois d’iceulx deniers blanez : et aussi avons ordonné estre faictes plusieurs monnoyes blancez et noires dont à présent nous ne vous envoyons pas les fourmes. Si vous mandons que, incontinent ces lettres veues, vous faciez inventoire au certain de tout le villon tant d’or que d'argent qui est en la dicte monnoye , et cloés toutes les boittes qui sont en ycelle, se faiz n’est, et ne laïssiez plus monnoyé sur les fers où l'en accoustumé à monnoyer, maiz soient du tout casséz et rompus, et faictes nouvelles boistes et nouveaux livrez en la manière accoustumée. Et ce fait, fetes ouvrer et monnoyer en nre dicte monnoye les dicts groz et demy-groz comme dit est : c’est asavoir, les deux pars de gros et le tiers des demys gros à l’équippollent de l'ouvrage ; et fetes mettre pour différence en chacun d’icelles monnoyes d'or et d'argent, tant devers la croix que devers la pille, soubs la première lettre ung petit point, en vous prenant dilligeamment garde que les dicts deniers soyent tailléz justes come l'or, bien rons, ouvréz, monnoyés, bien tailléz et de très bon recours avant que vous les passez à délivrance. Et en ceulx que il y aroit faulle, nous vous deffendons que yceulx deniers vous ne délivrez en aucune manière. Et avecquel ce fetes registre de toute la matière d'or et d'argent qui sera apporté en la dicte Monnoye depuis cest présente ordonnance. Et tous yceuls deniers , après ce que vous les aurez délivréz, sans aucune seule pièce estre mise, recepvés devers vous, et feces deffense à tous les ouvriers et monnoyers que ils ne soient si hardiz de en retenir une toute sculle pièce pour cause de leur brasaige ne autrement, maiz les fetes paier d'autre monnoye en la manière ancienne accoustumée , jusques ad ce que nous vous mandons que les divers moun-

noyes soient publiées et distribuées au marchans et gens à qui ils appartendront. Et pour ycelle monnoye tenir et gouverner pour nous et en nre main, nous avons comis Jehan Le Roux, lequel est appleuger suffisant devers nous de la some de quatre mil livres tournois. Et avec queiz ce jurera sur les saintes Évangilles de Dieu par devant vous que, nonobstant les remèdies accoustuméz, il ferra les dits deniers d’or fin au plus près du fin que faire porra bonnement, et que bien et loyaument il souvernera le fait de la dicte monnoye en la manière qu’il appartient. Et ce dit serment fait, baillez au dit Roux le fait, gouvernement et maistrise de la dite monnoye et l’inventoire de toutes les ustensilles d'icelle, par paines particuliers (1) fetes par juste pris, et certains inventoires en la manière accoustumée, dont vous nous envoyerez le double , la recepcion de ces présentes, et l’estat d'icelle monnoye , avec les boittes et inventoire du villon et matières dessus dits. Et fetes savoir à tous ceulx qui vous saurez abilles à tenir fait de monnoye que la dite monnoye d'or et d'argent est ouvrelle (2) et à bailli à l’encherie et selon l'usaige et condicion des monnoyes. Et s'aucun vient devers vous pour ladite monnoye mettre à pris, recepvez ses deniers à dieu à nostre féauté et plaisir, et le nous rescripvez briefment. Si fetes sur tout bonne et briefve dilligence. Donné à Rouen, le VFe jour de may.

Semblables lettres, accompagnées de deux pilles et de quatre trousseaux, scellés du sceau du chancelier de Normandie, pour la fabrication des gros et des demigros, sont adressées le même jour aux gardes de la monnaie de Saint-Lô, avec cesdifférences: que le point secret doit étre placé sous la seconde lettre des legendes et que l’article qui concerne Jehan Leroux est remplacé par ce qui suit :

Et pour ce faire est venu aujourdui devers nous Jehan Martel (ou Mutel), lequel à nous a pris la ditte monnoÿye de Saint-Lo pour et en nom de Thevenin Martel (ou Mutel) son frère. C’est à savoir qu'il a promis faire faire le marc d’or d’iceux deniers pour X s. tournois, et le marc du blanc, tant gros, que demi gros, que autre monnoye blanche, pour ITIT s. tournois, et le marc de tout le noir

(1) C'est-a-dire , estimation particulière avec clauses pénales pour le cas de dégradation.

2, Ouverte, c'est-à-dire, eu activité.

pour III s. tournois, le tout blanc et noir sur le dit pié de monnoye XXX1®e, aux us, coustumes, enchères et remèdes accoustuméz selon l'usage et condicion des monnoyes. Pour laquelle monnoye tenir et gouverner bien et deuement ycellui Thevenin est apleigé suffisamment devers nous de la somme de III miile livres tournois ; eLavecques ce jurera sur les saintes Évangilles de Dieu par devant vous que, non obstant les remèdiez accoustuméz , il fera les dits deniers d'or fin au plus près du fin que il pourra bonnement, et que bien et loyaument il gouvernera le fait de la dite monnoye en la manière qu'ilappartient. Et le dit serment fait, baïllez audit Thevenin le fait, gouvernement et maitrise de la dite monnoye et l'inventoire de toutes les utensilles d'icelles particuliers, faitz par juste prix et certain inventoire, en la manière accoustumée , dont vous nous envoyerez le double, la réception de ces présentes et l'état d’icelle monnoye avec les boittes et inventoire du villon et matière dessus dite. Et faites savoir , etc. — PATENTES NORMANNIÆ anni noni Henrici V, membranà 34, dorso.

Mandement au trésorier général de Normandie de faire porter au chàteau de Caen, pour les y conserver sous sa garde, toutes les nouvelles espèces faites et à faire dans la Monnaie de Saint-L6é, jusqu'a ce que le roi en ordonne la délivrance.