XCI. — De* Concorde

Concorde est une vertus qui lie en un droit et en une habitation ceulx d'une cité et d'un païs. Platons'^ dit : INos ne somes pas né por nos seulement , mais une partie en a nostre pais, une autre nostre ami; et dient^ une manière de philosophes qui furent apelé stoici* : Toutes choses sont créées as^ usages des homes, et li home sont engendré li un par achoison de l'autre, ce est à dire que li un valent ° as autres, et por ce devons nos ensuirre nature et mètre avant tout le commun profit, et garder la compaignie des homes par servise, ce est donant et prenant, et de ses mestiers et de ses ars et de sa richesce^ en doner et laissier as autres de son droit debonairement; car doner dou sien, aucune foiz n'est seulement cortoisie, mais puet estre grans profiz^. Li Maistres dit : Pais fait maint bien, et guerre le^ gaste. Salustes dit : Par concorde croissent les petites choses, et par descorde ^" se destruient les grandismes^^ Salemons dit : Ghascuns règnes qui est partiz en soi meisme sera destruiz.