XXII. — Quel Prologue convient sor doutouse matière

Et quant ta matière est doutouse, porce que tu demandes .ij. choses, a on doute de la sentence laquele^ des .ij. doit estre fermée, lors dois tu commencier ton prologue à la sentence meisme de la chose que tu veuls et de la raison en quoi tu te fies plus; mais se ele est doutouse porce que la chose est de une part honeste et d'autre deshoneste^, lors dois tu aorner ton prologue por aquerre l'amor et la bienvoillance des oianz, en tel manière que il lor semble que toute la chose soit tornée à honesté'.