LIVRE I, PART. I, CHAP. XXVI

.Ixxv. anz de sa vie , quant Diex à lui parla 2, et que il fu dignes de sa grâce, et que Nostre Sires promist à lui et as siens ^ et à sa lignie la terre de promission. Li autre dient que il commença* à .c. anz de Abraham, quant il engendra Ysaac, de Saraym sa feme, qui aussi estoit de grant aage, car ele avoit nonante anz^.

Et sachiez que devant ce que Ysaac fust engendrez, Abraham, par la volenté de sa feme, qui ne pooit porter filz, jut charnelment avec Agar, sa chamberiere, si en ot .i. fd qui fut apelez Ismael. Et quant Ysaac fu nez, si le fist ses pères circoncire^ .viij. jors après sa nativité; et ainsi le font encore li Jui. Et avant avoit il fait circoncire Ismael, qui jà estoit de l'aage de .xiij. anz; et ainsi le font li Sarrazin encore et cil qui habitent en Arabe"', qui sont estrait dou lignage Ismael. Puis vesqui Abraham .Ixxij. anz; et sachiez qu'il fist premièrement autel en l'onor de Dieu.

Mais de Abraham et de ses filz ne dira ci plus li contes, et retornera au roi Ninus et à sa reauté, car lui font les estoires chief des premiers rois.