Ce § a été barré

son pourfict particulier, mesmement les personaige[s] qui du debu de leur estât et office, debvoit pencer au regimen, estât et prospérité de la chose pub[l]icque et des pauvres1.

164. Brisot, docteur en la faculté de médecine à Paris, homme bien lecttré, trespassa le xxrii6 jour jung et fust enterré aux Jacobins à Paris2.

i65. Le dimanche xxvr2 jour dud. moys, par le voulloir et mandement du Roy, lors tousjours estant à Blois avec la Royne qui estoit malade, fust descendu à Paris le noble, riche et précieux chef mons. sainct Jehan Baptiste des relicques de la saincteChappelle, qui, depuys que le roy Lois unziesme Tavoit enrichi et décoré comme de présent il est, n'avoit esté descendu ne porté en procession, et fust icelluy porté en forte honneste procession en l'esglise mons. sainct Jehan et estoient les rues tendues où passoit lad. procession. La cause fut pour la paix, de laquelle Ton dissoit y avoir oucun pourparler entre les princes, et aussy pour la disposition du temps, car il faissoit sy grant chaux que tous les blez et fruictz estoient séchez es champs. Toutesfoys, par l'intercession du benoist et glorieux sainct Jehan, comme il est à croire, led. jour cheut grant habondance de pluie qui reconforta moût les fruictz de terre.

166. En ce mesme temps, les parroises particulièrement faissoient processions et en icelles faissoient aller les petiz enffans, tant filz que filles, portant chacun unne chandelle, qui faissoit bon veoir, et tout pour les causes dessud.

167. Le lundy xxvrr5 jour dud. moys, acoucha ma seur Marguerite, femme de mon frère maistre Jehan, d'un fils qui fust nommé Jehan et eust pour parrins maistres Denis Pillois et Pierre Hébert, et la femme maistre Pierre Bataille pour marrine.

168. Le xxxe et dernier jour dud. moys, alla de .vie à trespas, bien exstimé, bien renommé et fort plainst mons. maistre [Fran-