Renzo de Cere

Cappitaines de mer.

Messeigneurs André Dorie [sic).

Le baron Samblancourt.

Frère Benardin, ensamble toutes leurs gallées. Somme, xxxixm hommes de pied, xvic chevaulx ligiers, nm 1111e lx lances.

De l'an Ve XXI III.

198. Mon frère, maistre Pierre Versoris, fust marié à Marguerite Robinet, le lundy vne jour novembre.

199. Le xirir3 ou xve novembre furent apportez nouvelles à Paris que le Roy, estant delà les mons, tenant la ville de Pavye assiégé, auroit esté tué par ung coup d'artillerie mons. de Longueville, encores jeune homme de xx [ans], néanmoins fort plainst et regretté en France et estoit à bonne cause.

200. Le jeudy xvne jour dud. moys, fust enterré mons. de Sainct-Maymin, seigneur des comptes, homme fort estimé en richesses.

201. Led. jour alla de vie à trespas mons. Planche, chauffecire en la chancellerie du Roy.

202. Le samedy xixe jour dud. moys, alla de vie à trespas environ entre unne et deux heures de matin', mons. maistre Thibault Baillet, consillier du Roy, nostre s. et président en sa court de Parlement, homme sur tous justiciers du reaulme de France prisé et exstimé, lequel de son temps a peu estre dict et nommé Thonneur et bonté de Paris. Led. sieur Baillet fust enterré à l'esglise mons. Sainct-Marry, sa parroise, en sa chappelle, le lundy jour sequant, qui fust le xxie dud. moys novembre, à l'enterrement duquel se trouvèrent tous les plus notables de Paris, sans oucun excepter, et mesmement la court en mo[ul]t belle ordre. Dieu face pardon à l'ame ! Il fust fort plai[n]st et regreté de tout le peuple2.