Environ le prumier jour juilliet le Roy envoya mons

et aultre grant nombre de gens d'armes pour ayder au R.oy de Navarre et icelluy remecttre en son reaime et recouvrir oucunes places et forteresses que tenoient les Hespaignos pour et au nom du Roy catolicque, qui de fait et de force usurpoit led. reaulme. Finablement, après que les gens d'armes françoys eurent séjourner oucun temps par fortune contraire, allèrent les Hespaignos assaillir, les pençant prendre en desarroy ; toutesfoys le contraire estoit vérité, car les Hespaignox 2 furent victeurs et y eust assez gros meutre de nos gens et y fust fort navré mons. de Lautret et prins, mais par sa prudence y rechapa des ennemis.

44. Mons. Vaudétard 3, ja fort aagé consillier aux requestes, mourut environ la fin du moys de juign.

45. Au moys de juillet, mons. de Chabanes4, mareschal de France, mons. le chancellier5, mons. le premier président6 et aultres notables personaiges furent envoyés à Calays en embasade pour traicter et diffinir oucuns articles de paix, et pour le Roy catolicque, soy dissant eslu empereur, fut envoyé son chancellier, et pour le Roy d'Anglettere fut envoyé le cardinal de Nyort 7 et aultres personaiges, qui pour leur témérité et oultrecuidance pensoient valoir ceulx qui, par le Roy de France, avoient esté envoyez aud. lieu en enbasade, laquelle, par l'orgueil desd. Anglois et infidélité, fust rompuee et cassée sans riens faire ne appoincter au moyen des parolles trop rigoureuses qui tenoient aux ambasadeurs françoys.

46. Aud. temps furent prins et pugnis par justice aucuns boulengiers qui avoient delinqué en leur estât, car accusez furent