Led. jour fust espousée la fille de damoiselle A Thi

boust, vefve feu mons. Pichon, greffier de la court', au filz du lieutenant de Cleremont en Beauvoisin. La faiste de luy fust faiste chez mons. de Paris, à laquelle passer fust faict ung po[n]t d1ays sur Saine, non sans la moquerie et raillerie du peuple. Le jour de lad. faiste, fust osté publiquement et violentement à Tespousée ung carquan, auquel estoient grans quantité de pierres de grosse valleur. De ce furent suspicionéz oucuns des gentiz homes de mons. le comte Saint- Paul.

262. Nota que ceste année Ve XXV fust mervileusement habondente et fertille en tous fruietz.

263. Le jeudi xxvir3 jour dud. moys, le bailly de Mente, qui avoit tué assez inogmineusement ung gentilhomme nommé des Fossez, demanda en la court de Parlement l'entérinement de sa grâce, oys les gens du Roy et partie intéressée, qui estoit la vefve et les enffans, il fust envoyé sur ung huissier prisonnier et lesd. lettres et plaidoier d'une part et d'aultre mis au conseil pour sur ce donner arrest 2.

264. En ce temps, et fust environ le xxvrne jour jullet, fust mis le feu en la ville de Montargy par oucuns boutefeux. La ville fust