Le dimanche xvie décembre fust enterré le fîlz de mons

Galoppe 1 .

338. Le vrne jour janvier, alla de vie à trespas Marguerite Fournier, ma cousine, femme de maistre Jacques Anthony, et le jour sequant fust enterrée à S. Innocent à la fosse aux pauvres. Dieu luy face pardon !

339. Environ le xne ou xme dud. moys, du voulloir, mandemant et auctorité du Roy, lors séjournant, comme il auroit fait long temps auparavant, à S. Germain en Laye avec ma dame, le chancellier et aultre train, furent constituez prisoniers ceulx cy après declairez : le s. de Beaulne, dict S. Blancect, au chasteau de la Bastille, Prévost, jadiz tressorier, au chasteau du Lou[v]re.

340. Mons. le recepveur gênerai Ruzé et mons. maistre [Jean] Ruzé, advocat du Roy à la court, contrainctz furent suivre le Roy, qui party estoit le xnne dud. moys pour aller à son pays de Picardie et pour visiter nostre Dame de Liesse, pour à i[c]eulx porter ennuy. La cause de telz emprisonement [de?] tressoriers fust parce que le Roy adverty fust qu'il auroient par cy devant très mal gouverné les deniers du Roy.

341. Le samedy xe jour mars, alla de vie à trespas Jehan Basanier, mon nepveu, filz aisné de mon frère Basanier et de ma seur Radegonde Versoris. Dieu luy face pardon ! Si fust donmaige, car il estoit bon, honneste et sçavant et eust esté maistre es ars le quattriesme jour sequant s'il eust vesqu.

342. Le vendredy xxne jour dud. moys mars, alla de vie à trespas ma seur Ysabeau Gallobe, femme en secondes nopces de mon frère, maistre Guillaume Versoris, et fust le landemain portée à S. Severin et après vespres de requiem chantés, portée et inhumée fust en Tesglise monseigneur S. André des Ars en la chappelle de mons. Galope son père 2.

nances du grant conseil en l'an mil Vc XXV, sont venuz en lad. court, lesquelz ont dit que le Roy les a ce matin mandez en sa garde robbe et leur a dit qu'ilz s'en revinssent céans exercer leurs cstatz et offices, comme ilz faisoient auparavant lad. interdiction... etc. » (Xla i53o, fol. 36o V.)