Au moys d'aoust fust receu consillier Me 3 Solyou Chas

tellet de Paris.

48. Le dix-septiesme dud. moys d'aoust, à ung samedy, mourut mons. de Nevers, luy estant prisonier au Louvre, accusé de plusieurs cas par luy commis, faiz plus par légèreté et folie que par malice1. Il sambloit à plusieurs de Paris que l'on luy tenoit assez grosse rigeur de le tenir sy longuement prisonier sans procéder à l'expédition de son procès , la cause de sy longuement l'avoir tenu prisonier, peult estre que parce que luy estant prisonier tua son barbier, toutesfoys il s'en purga en quelque manière et aussy confessa led. barbier navré qu'il avoit eu tort, priant son maistre luy pardoner, et ce qu'il en avoit fait et dit auroit esté par temeritté et folie5. Et aussy declaira led. de Nevers à deux consilliers de par la court envoyez pour eulx informer et scavoir du cas et mertre, confessa led. mons. de Nevers le fait, dict oultre aux consiliers qu'il n'y avoit homme en France, fors le Roy et les princes, que, s'il luy en avoit autant dict et faict, qu'il ne le tuast.

49. Le dix-huytiesme dud. moys d'aoust, Marie Regnart, ma femme, acoucha d'un filz et fust baptisé en diligence à Saincte- Oportune, et fust ses parrins maistre Françoys Rat, maistre