DE M« NICOLAS VERSORIS. III
seul, fust avec ses habituez, allèrent à S. Martin des Champs, la procession ne fust faicte sans scandalle *.
373. Le vendredy troisiesme jour avril avant Pasques, alla de vie à trespas mons. maistre Jehan Brinon, consillier du Roy n. sire et premier président en sa court de Rouan et chancellier d'Allançon et président du conseil de ma dame mère du Roy, homme de grant vertu et renommée, lequel pour son sçavoir luy vivant, a esté fort estimé tant au reaulme que hors du reaulme, où il auroit esté comme embasadeur pour le Roy. Dieu face mercy à Pâme ! Il fust fort plainct. Il fust enterré le dimanche sequant le ve jour en grosse pompe funèbre à Sainct-Severin sa paroisse2.
L'an Vc XXVIII.
374. Le jeudy xvr3 jour avril Ve XXVIII, furent apportés nouvelles à Paris que mons. de Lautret, estant à la Pouille, près le reaulme de Nappes, auroit tué et desconfist de quattre à cinq mil Espanoilz, lesquelz avec aultre plus grant nombre se efforcent [sic) entrer au reaulme de Nappes, pour empescher de entrer en icelluy mons. de Lautret et son armé. Plus furent aussy apportez aultres nouvelles que le s. Potrot de Navarre, suyvant le party de France, par le commandement et conseil dud. s. de Lautret
auroit esté assailly[r] la ville de estant à la Pouille, laquelle,
après Tavoir prinse d'asault, auroit tué tous ceulz qui estoient dedans avec grant nombre d'Espanaulx, le capitaine de lad. ville saulvé, avec quinze aultres capitaines de nom, les prebstres, femmes et enffans de la ville aussy saulvez.
375. Le vendredy premier jour may, jour S. Jacques, S. Philippes, ma seur, La Ruzée acoucha d'un filz nommé Jehan et furent ses parrains mon frère, Basanier et Guillaume Versoris, mon nepveu et Claude Versoris, ma nyepce.
376. Le mardi xrr3 dud. moys de may, fust enterré maistre Macé Coustan, prevost de Gonnesse et procureur au Chastellet de Paris et estoit allé de vie à trespas le jour précèdent. Dieu luy
1. Il n'est pas question de ce dissentiment entre l'évêque de Paris et son chapitre dans les registres capitulaires.
2. Jean Brinon, premier président du parlement de Rouen, avait été le principal négociateur du traité entre la régente et le roi d'Angleterre, au mois d'août i525, dont il a été question plus haut. (Cf. le Journal d'un bourgeois de Paris, p. 25g, 260.)
face mercy ! Il estoit homme de bien et avois demouré pencionnaire à son hostel avant que feusse marié. Deux jours auparavant
estoit aussy decedé maistre Braier, aussy procureur au Chas-
tellet.
377. Le mecredy xrne dud. moys de may, du matin, furent apportez nouvelles au Roy estant à S. Germain en Laye, que les Espanolz, voullant coupper les vivres de mons. de Lautret, rompre Tannée françoise de mer et bailler comfort à ceulx qui venoient d'Espaigne leur bailler ayde, estant en barquez sur mer, veindre[nt] impetuesement assaillir le conte Philippin, nepveu du s. Andry Doriee, tenant le party de France et gouvreneur et reteur des gallées françoises, lequel de bon couraige les receut, luy et ses gens, et dura l'assaut plus de six grosses heures. Finablement furent rompuz lesd. Espanolz et mis en fons deux gallées et troys navires espanoles et le reiste prins, mesmement le s. Huges de Montcada, viroy {sic) de Nappes, le s. Ascanio Colomon, le marquis délie Gasto, Scaramotia, tous chefz et grans personaiges. Au moyen de laquelle grande victoire fust led. jour par le commandement du Roy chanté Te Deum laudamus à Nostre-Dame de Paris, où se trouva toute la court moût bien assamblée, et le landemain, qui fust le jeudy, la court fust en procession à Nostre-Dame et les aultres jours sequens furent faictez processions moût dévotement. La deffaicte dessusd. fust moût pourfitable pour l'armée de France, car aultrement ilz eussent couppé tous les vivres de l'armée de France et eussent eu secours, toutes et quantesfoys que bon leur eust samblé. Dieu y remédia.
378. Le samedy trantiesme jour du moys de may, veuille de Pantecouste Ve XXVIII, acoucha ma femme d'une fille nommée Marie et eust pour parrin maistre Robert des Moulins, mon beau frère, et pour marrines, Françoise Versoris et Claude Versoris, mes nyepces, et ne fust ma femme guieres malade à son travail. Led. jour et auparavant et après fist ung grant vent et froit et se enffla la rivière de Saine et aultres rivières oultre que n'avoient de coustume. Elle alla de vie à trespas au bout des xv jours.
379. En ce temps, non seullement en la ville de Paris, mais partout alieurs, y avoient secrètement oucuns qui tenoient la secte Lutheriene, mais quant il venoient en lumière, ilz estoit estroictement punis. Et le mecredy troysiesme jour juing, la nuict du jeudy, se addressa quelque ung, que Ton imaginoit luthérien,
DE Me NICOLAS VERSORIS. I I 3
à une ymaige de Nostre-Dame tenant son enffant et brissa et couppa du tout les testes de l'imaige et de son filz, ou moyen de quoy fust le peuple fort indigné de l'injure faicte à l'imaige et représentation de la belle dame, et le Roy, lors séjournant à Fontainebleau, fust adverty du cas, lequel, de ce fort ennuyé et marry, envoya le sixiesme jour sequant, qui estoit le samedy, mons. le chancellier de France, cardinal, acompaigné du prevost de Paris, remonstre[r] à la court que le Roy entendoit que en diligence inquisition fust faicte du delinquent, après très aspre pugnition faicte de luy et, pour plus ligere inquisition faire, promist bailler à celluy quy le vouldroit notiffier la somme de mil escuz soleil et si, si celluy qui auroit commis le cas, desplaissant de son fait, voulloit accuser en justice et enseigner ses complices et compaignons, que il auroit lad. somme. Remonstra led. chancellier les inconveniens et maulx qu'il pourraient advenir de telz esrreurs tollerer. Ce fait, en diligence le lieutenant criminel, acompaigné d'archies, orbalestriers et aultres de justice, allèrent par les maisons sçavoir sy Ton se doubtoit d'oucun ou oucuns et led. jour fust crié à son de trompe par les carrefours l'edict du Roy, c'est asçavoir de donner, etc. Le mecredy dixiesme jour dud. moys, veuille de Faiste Dieu, l'Université de Paris, à moût notable et belle asamblé, acompaignée de quattre à cinq cens petiz escolliers, au desoubz de l'aage de xri ans, furent tous en procession ou lieu où estoit lad. imaige, qui estoit à la rue du petit S. Anthoyne, au logis de mons. de Harlé, bourgois de Paris, et là estoit ung hostel tendu et paré et là chacun enffant présenta son cierge alumé en admirable dévotion, lesquelz furent re[c]euz et aultres offrandes par le curé ou vicaire de S. Gervais, car la situation est de la parroisse. Il n'est mémoire avoir veu Université si bien assamblée ne en plus grande dévotion. Le landemain, jour du S. Sacrement, le roy, logé aux Tournelles, y alla en procession et y fust porté le corps de N. S. et y fist le roy son oraison. Le landemain, qui fust vendredy, furent faictez processions générales pour lad. cause et passèrent les processions au devant de lad. ymaige, au desoubz de laquelle y avoit ung riche austel paré, auprès duquel y avoit ung triumphant oratoire, pour auquel parvenir y avoit cinq desgrez à monter, où, après les processions passés, le Roy marchant à la fin monta en grant reverance aud. oratoire, où il présenta, au lieu de lad. ymaige brisée, unne Nostre-Dame d'argent, pour y demourer à perpe-
tuitté. La réparation fust fort sollennelle. Le bruit fust à Paris que six ou sept jours après fist quelquelz miracles sur ung enffant mortné4.
38o. Le samedy xxe juing, Ledet, consillier à la court, pour plusieurs mechans cas commis en exerçant son estât et office de consillier, privé fust de son estât de consillier et declairé à jamais inhabille à tenir ou avoir office roial et condempné envers le Roy en la somme de mille livres par. et à renddre et restituer aux parties et personaiges, auxquelz indeument il avoit exigé et extorqué dons et deniers par concutions et aultres abuz. Soit noté que, avant que luy avoir présenté son arrest, fust admené en la court et salle du plaidoier, où estoient les presidens et consilliers revestuz de leurs robes rouges et led. Ledet pariellement avec son chapperon et luy présenta son arrest mons. Poulliot, président en
grosse 2, de là fust mené par les huissiers de la court sur la
pierre de mabre, où fust dégradé, devestu et privé de ses habiz, ou lieu desquelz luy fust baillé unne méchante robe, ademye (sic) sur coulleur de pers et de la remené à la court, la teste nuée et les piez nuz, saisy d'une torche de nu livres, requist pardon et mercy à Dieu, au Roy et à la justice et soit noté que la peine dessus declairée estoit pour le cas priviliegé dont au Roy appartenoit la congnosance et pour les aultres cas pour sa tonsure fust renvoyé à la court de l'esglise. Néanmoins fust banny du reaulme de France par la court après son procès fait par mess, de Tesglise 3.
i. Félibien, Hist. de la ville de Paris, t. II, p. 981-983, s'étend longuement sur ce fait, et le registre du conseil du Parlement encore plus. (Xia i53i, 6 et 12 juin i528.)
