V» XXIX

394. Le mecredy xrnre avril Ve XXIX, alla de vie [à trespas] mons. maistre Michel de Colonnia, chantre et chanoine Nostre- Dame de Paris et docteur régent en la faculté de médecine, homme vertueuz et bien estimé en son vivant, lequel, après avoir amassé plusieurs biens, avant son decez, les distribua et fist distribuer au pouvres et en son vivant fist plusieurs belles fondations. Dieu luy face marcy! Le xv jour dud. moys fust enterré à Nostre- Dame de Paris en sa chapelle *.

395. Le xnrr2 avril, alla aussy de vie à trespas Jacques le Lièvre, marchant et bourgois de Paris, home fort estimé en biens.

396. Le samedy xvne avril, Barquin, gentil homme fort lecttré en art d'humanité, accusé ja piecà de crime d'heresie et depuys par le mandemant du Roy relaxé, finabiement attint et convincu dud. crime, condempné fut à estre triné devant Tostel de la ville et, après avoir fait quelque amende honnorable et ses livres en sa présence bruslez, estre mené et enclos à perpetuitté au pain et à l'eau, dont il se porta pour appellant, qui fut le vendredy xvre et précédant son exécution et, parce que les juges déléguez du pape et du Roy avoient pouvoir et charge, non obstant oppositions ou appellations, et que par leur sentence et arrest luy eussent fait grâce de luy saulver la vie, le landemain, qui fut le jour de Texecucion, fut condempné estre amené en Grève devant l'ostel de la ville et là fust estranglé à ung posteau et puys bruslé et avec luy ses livres. Dieu luy face pardon et marcy ! mais il ne fut guieres plainct, car, supposé qu'il fut sçavant en lettres, toutesfoys il abbusa mechament de son sçavoir, se applicquant à dénigrer plusieurs choses concernant nostre foy et les cérémonies de Pesglise2.