Ma belle sœur. Addit

et aultres grosses communaultés d^Italie, et led. jour de rellevée fust chantée : Te Deum laudamus et le seoir les feuz faiz en signe de joye.

208. Le mecredy xvm" jour dud. moys de janvier, acoucha ma femme d'un filz, qui fust nommé Pierre et fiist né entre neuf et dix heures du seoir, et fust ma femme fort malade à son travail et eust pour parrains mes frères, maistres Pierre Rosée et Pierre Verspris et pour marrine ma seur, Magdelaine des Moulins.

209. Le dimanche, xxii® de ce moys, les canonniers nouvellement créés et érigés par le Roy en ceste ville de Paris, firent leur monstres par la ville.

210. Le jeudy, neufviesme jour frevrier, fust espousé maistre Claude Varin, cirurgien, à la niepce de maistre Jehan de Calays. Led. jour fust espousé mons. Daniel à la fille mons. de Marie, gênerai des monnoys. Led. jour fust espousé Rinyer, advocat en Parlement, à la fille mons. Chartier. Le mardy, septiesme jour dud. moys février, fust espousée la fille mons. Falluart à ung huissier.

211. Le xi« dud. moys, fust espousé le dernier filz de mons. maistre Thiery le Cyrier.

212. Durant ses jours, advindrent nouvelles que mons. de Pont de Remy, lieutenant soubz mons. de Vendosme au pays de Picardie, par cautelle de guerre defist du tout bien hujrt cens Bourginons qui vouUoient par traïson rober la ville de Hedin et ce par traime faicte de feu par ingénieuse sorte, toutesfoys par mauvaise fortune led. Pont de Remy attainst dud. feu mourut bien tost après ^

2x3. Le mecredy, xv« dud. moys de février, coururent nouvelles que mons. le trésorier de la Croix estoit allé de vie à trespas et estoit telle la vérité. Led. trésorier estoit grant riche homme et puys c'est tout.

214. Led. jour alla de vie à trespas le principal du colliege de Bourgonne, homme bien aymé^.

2x5. Lesamedy, xvni* jour février, au mandement de Madame, séjournant à sainct Just près Lion, la saincte Chappelle fist unne procession honnorable à laquelle se trouva la court et furent à