Ainsy que dit est..» Addition

curatoris régis y avec modération tacite, dont les assistans n^estoient advertis. Ce fait, quelques jours après, semblables lettres furent envoyez an Tostel de la ville, pour faire assambler grant nombre de nxarchans et bourgois de Paris, pour louuer, aggreer et avoir aggre[a]ble led. accort et se obliger particulièrement au payment de lad. somme^ prometant icelle payer en de£faut de ma dame la régente et des princes et seigneurs à ce obligez, ce que les marchans et bourgois de Paris ne voullurent nullement passer ne eulx obliger pour lesd. sommes, faissant par eulx plusieurs belles et honnestes remonstrances et du dengier qui pourroit venir et sortir de lad. obligation, ce que les officiers n'estoient guieres contant, car il estoient contrainctz metu officii ce passer. Toutesfoys, pour abbreger, furent lesd. bourgois pour raison de ce assemblés par diverses foys et vicisim ^ disoient leurs oppinions et monstrerent par vraye évidence que mess, de la court n'estoient que ignares d^avûir tant ligerement et imprudement ratiffié lad. obligation et se obliger, en tant que à eulx touchoit pour lesd. sommes, et que, se ancy estoit, la ville et les particuliers d^icele en pourroient avoir affaire. Quant à présent, ne fut riens décidé ne accordé par les bourgois marchans de Paris ^.