AUX PREMIERS VERS DE CHARLES IX

Charles en qui le Ciel toutes grâces inspire ,

Qui as le cœur plus grand que n’est grand ton empire, Une ame prompte et vive, un esprit genereux,

De vertus, de science, et d'honneur amoureux :

Qui passes tes ayeux d'un aussi long espace Que l'Aigle les Autours, dont l'aile ne se lasse En volant outre l'air d'approcher le Soleil :

Ainsin entre les Roy s tu n’as point de pareil Que FRANÇOIS ton grand père : et si Vhonneste honte Le vouloit,je dirois que CHARLES le surmonte, D'autant que nostre siecle est meilleur que le sien ,

Et que le temps présent vaut mieux que l'ancien,

Et d’autant qu'il fut docte au déclin de vieillesse ,

Et tu es tout sçavant en la fleur de jeunesse.

Car si ta MATESTE ( après le soin commun

INTRODUCTION

Qu’elle prend du public , et d'escouter chacun. Permettant à ton peuple une facile entrée )

Soit en prose ou en vers pour plaisir se recrée, Donnant quelque relasche à ton divin esprit Qui se monstre soy mesme en monstrant son escrit. Et rien s’il n’est parfait ne médité ou compose , RONSARD te cede en vers, et AMYOT en prose : Et suis marry d’avoir si longuement vescu Au giron des neuf Sœurs pour estre ainsi vaincu. N' estoit-ce pas assez de m'avoir en cent sortes Monstré l’affection que Maistre tu me portes,

Sans encor vouloir me défier en mon art,

Et en vers appeller au combat ton RONSARD , Descouvrant contre moy la fureur de ton stile ? Ainsi le grand Auguste escrivoit à Virgile : Virgile qui l’esprit de son Maistre suivoit ,

Pour luy donner plaisir luy contre-r escrivoit.

Tu m'as donné des vers très magnanime Prince, Afin qu’ en imitant ton exemple, j’appr ins e Que peut un cœur superbe, et pour avoir aussi Tousiours l'esprit touché d’un vertueux souci. Toutes fois te jouant, grand Monarque de France, Tu as plus avancé que ta plume ne pense .

Car tes faits quelque jour par le temps périront : En mon livre à jamais tes beaux vers se liront,

Que je veux engraver environnez de gloire,

Sur l'autel le plus sainct du temple de Mémoire, Pour mieux faire cognoistre à la postérité Qu'en France j'ay vescu régnant ta Maiesté,

Et que ta Maiesté dessous elle a veu naistre Ma Muse qui se plaist de servir un tel Maistre.