ELEGIE DE RONSARD

SUR LE LIVRE DE LA CHASSE DU FEU ROY CHARLES IX, RECUEILLI ET RAMASSE PAR LA DILIGENCE DE MONSIEUR DE V1LLEROY L

Soit que ce livre icy ne vive qu’un Printemps,

Soit qu’il force la Parque et vive plus long temps,

Par maint siecle endurcy contre la faux dentée Des ans, dont toute chose à la fin est domtée,

Jamais on ne pourvoit fsans jetter larmes d’œil)

Le lire en le voyant ainsi vestu de deuil,

Non comme un orphelin qui a perdu son per e,

Mais comme un avorton, à qui la main contraire De Lucine a tranché le fil sans avoir sceu Ny cognoistre ny voir celuy qui l’a conçeu,

Tel enfant et ce livre ont pareille naissance,

Qui n’eurent de leur père oncques la cognoissance . Toutefois un chacun en contemplant le traict

' Nicolas de Neufville, sieur de Villeroy, secrétaire d’Etat sous les rois Charles IX, Henri III, Henri IV et Louis XIII.

INTRODUCTION

De son corps imparfaict , voit bien qu’il est extraict De Royale lignée et de haut parentage ,

Rapportant de sa race au front le tesmoignage .

Or son pere ne fut de ceux qui par les champs Ranversent les sillons de leurs contres trenchans ,

Ny de ceux qui gardans la troupe camusette Des brebis, ont es mains la fluste et la houlette :

Mais Seigneur des François, en vertus non pareil,

En la terre aussi grand qu’au Ciel est le Soleil,

Qui pour n’empoisonner les ans de sa jeunesse D’am ours, ny de festins, de jeux, ny de paresse,

Et pour tromper l’ennuy des civiles fureurs,

Aima chiens et chevaux, cognoisseurs, et coureurs Et de meute et d’abois par brusque violence,

Des forests et des cerfs resueiller le silence,

Il se fit si pratique en l’art de bien chasser, Qu’aux heures de loisir il en voulut tracer Le projet de ce livre, aimant la renommée Qui s’ acquiert par la plume et par l’encre animée, Mieux que le vain honneur de bastir des chasteaux, Ouvrage de sablon, de chaux et de marteaux,

Qui tombent piece à pièce , et leurs testes superbes Se couvrent en cent ans de lambrunsches et d’herbes.

Mais la jalouse Mort despite d’un tel faict,

Ne luy permit de voir son ouvrage parfaict.

Ainsi par la tempeste à terre on voit flestrie La Rose Adonienne avant qu’estre fleurie.

O Charles, dont le front est vestu de laurier,

Tu te peux bien vanter que tu es le premier Des Monarques François, qui rompant la coustume Des Princes, t’es acquis louange par la plume, Allongeant au tombeau d’un renom esclarcy Les ans victorieux de ton âge accourcy.