LEURIER DU ROY CHARLES IX ET DE CARON
Lorsque Beaumont entra dans les Enfers ,
Voyant Caron aux yeux ardens et pers,
Son triste habit , ses voiles et ses rames.
Et le bateau dont il passe les âmes,
Bien qu’il fust nud, image de la Mort ,
Sans s’effroyer s’arresta sur le bort.
Caron qui vit sa taille forte et grande ,
Tout esbahy, du bateau luy demande :
Ca. Qui t’a nourry? qui es-tu ? d’où viens-tu? Quelle contrée au monde t’a vestu D’vn si beau corps , qui de force surpasse Tes compagnons qu’en ma barque je passe ? Beaumont respond. Be. Vn grand Boy m’a nourry .
INTRODUCTION
LY
De qui j’estois sus tous le fauory :
Je viens de France, et suis né de Bretaigne .
La fiere Mort qui chacun accompaigne.
M’a fait descendre au fleuue Stygieux,
Jurant , Caron, par l’horreur de ces lieux Que le soucy qui ronge ma pensée,
N’est pour auoir la lumière laissée :
Le plus grand dueil qu’icy bas je reçoy,
Vient du regret de ne voir plus mon Roy.
Ca. Il seroit temps, Beaumont, que tu apprinses Sur ce rivage à oublier les Princes,
Sans tèbrauer du souuenir des Roy s.
Be. Vn si bon Prince oublier ne pourroys.
Ca. Quel est ce Roy dont tu fais tant de conte ?
Be. C’est CHARLES Roy qui les autres surmonte. Dont la vertu ne se peut égaler,
Et suis certain quen as oüy parler :
Car , ja la terre en tous lieux est semée De ses honneurs, et de sa renommée.
Ca. Je le sçay bien : Mercure mainte fois Guidant icy les âmes des François M’en a parlé, m’a dit que son Empire De l’Océan où le Soleil se vire,
Et son renom, des ans victorieux,
Sera borné de la voûte des deux.
Doncques, Beaumont, pour l’honneur de ton Maistre Quija s’est fait par le Monde cognoistre,
Sans rien payer entre dans ce bateau,
Et des Enfers trauerse Ja grande eau.
INTRODUCTION
Disant ainsi, la gondolle s’avance,
Et le Leurier d’vn sault léger s’eslance Dedans l’esquif, que Caron roide et fort Comme un trait d’arc poussoit à Vautre bort.
A l’autre riue estoit le chien Cerbere,
Tout hérissé des serpents de Megere,
D’affreux regard, à gros sourds pend ans,
A trois gosiers, à trois crochets de dents,
Poussif , pantois, qui de longue trauerse Sur le sablon gisoit à la renverse,
D’vn corps pansu les passans effroyoit,
Et d’vn grand cry les Ombres aboyoit. ,
Ce gros mastin oyant dessur la greue Sonner les pas de Beaumont, se sousleue A gueule ouuerte, et en se soutenant Pour l’aboyer entre-mascha le vent .
Mais aussi tost que la taille il eut veüe De ce Leurier, le flata de sa queue Qu’entre ses pieds humblement il mettoit,
Et l’honorant son lieu luy presentoit.
Beaumont luy dit : Be. Arreste et ne me taches De ce venin qu’ en ta gueulle tu caches :
Je ne veux point de ta place, mastin,
En autre lieu me conduit le Destin :
Du noir Pluton le chien je ne veux estre,
J’ay bien seruy en France vn plus grand maistrc.
Pluton n’est Roy que des morts seulement,
Sans chair , sans sang, sans os, sans mouvement,
INTRODUCTION
Et d’vn monceau d’ombres, gresles et vaines , Qui çà, qui là, sans muscles et sans veines, Foibles , sans poids, debiles vont volant Tout à V entour d’vn riuage relant,
Noir, sombre et froid, que le Soleil euite,
Où la frayeur, l’horreur, la peur habite, Vieillesse, ennuy, maladie et soucy :
Où mon grand Roy qui n’a que faire icy , Commande en terre aux puissantes armées, Aux chevaliers , aux villes animées D’vn peuple vif, obéissant et fort,
Et non, Cerbere, aux pourtraits de la mort. Pource tout seul en ces lieux pleins de craintes Garde à ton Roy ses ombres et ses faintes.
A peine eut dit, qu’en destournant le-pas Il vit frayé sous vn vallon à bas Vn grand chemin fourchu de double sente L’vne conduit au Juge R.hadamante ,
Et l’autre mene aux champs délicieux,
Heureux seiour des Esprits précieux.
Suiuant le train d’vne si belle voye Ce franc Leurier aux myrtes se conuoye,
Tout esbahy de voir en tel seiour Autre Soleil, autre clarté de jour ,
Voir autres mons, autres bois, autres fleuues, Autres forests de feuilles jamais venues,
Et autres prez d’immortelles couleurs :
Car pour l’Hyuer n’y meurent point les fleurs.
Courte, qui est sans queue et sans aureilie.
