NO E
Lettre des États généraux à la reine d'Angleterre. 11 novembre
(Archives du royaume de Hollande.)
«Madame, les lettres qu'il a pleu à Vostre Majesté nous «escripre, le 15° jour du mois de septembre dernier, nous ont «clairement fait voir les regrets que Vostre Majesté a reçuz par «les tristes nouvelles du malheureux et exécrable assassinat «commis en la personne de feu monseigneur le prince d'Orange,
«de haulte et très heureuse mémoire : sçachant fort bien que « Vostre Majesté en a d’aultant plus été touchée de douleur, tant «pour veoir une telle prodition exécutée à l’endroict d’un per- «sonnage sisignalé, que pour la singulière affection et faveur «qu'elle a tousjours portée à Son Excellence, comme aussy 1l «plaist à Vostre Majesté tant honorer la postérité dudit seigneur «prince, que de continuer vers icelle sa bienveillante bénignité, «ainsi que les lettres de Vostre Majesté nous tesmoignent. «Dont, pour l'obligation que nous avons à la très honorable «mémoire de Son Excellence, nous ne pouvons délaisser de «remercier Vostre Majesté très humblement, et, d’ung chemin, «luy déclarer le grand soulagement que cela a apporté à la griefve Cplaye que nous avons à bon droict reçeue par la mort d’un tel «prince et père de nostre patrie, louons le seigneur Dieu de ce «qu'un roi tyran, encore qu'il eust estendu sa main cruelle sur «la personne de Son Excellence, n’a toutefoys sçeu oster, et ne «pourra, comme nous tenons pour tout certain, Jamais effacer «de la mémoire des gens vertueux et craignant Dieu les actions «saintes et héroïques de celuy qui, de tout temps, s’est, avec une «affection, promptitude, et fidélité extrême, employé pour la «deffense de sa sainte religion et la liberté de nostre patrie. «Les marques très évidentes que nous avons de la bonne et «bien disposée volonté de Vostre Majesté vers Son Excellence et «sa postérité, nous donnent entière asseurance qu'il luy plaira «tousjours maintenir ceste maison en l’honneur de sa faveur et «clémence: estimons, à ce regard, superflu d'en faire icy requeste «à Vostre Majesté, si ce n’est pour la supplier très humblement «de croire que tout le bien et faveur dont la postérité de Son « Excellence sera honorée par les royales mains de Vostre Majesté, «sera receue de nous comme accroissement de tant d'obligations «desquelles nous nous cognoissons et sommes, de tout temps, «redevables à icelle, et que, d'autre part, suyvant le commande-
2450 LOUISE DE COLIGN Y.
«ment de Vostre Majesté, nous n’aurons rien plus à cœur que «de nous employer tousjours et de toute nostre puissance et «moyens, à ce qui concernera l'honneur, bien et advancement de «ladite postérité; comme aussy nous n’eüssions à présent voire «passé aulcuns jours, délaissé de donner tout contentement à Vostre «Majesté, sur ce qu’il luy plaist nous encharger de, au plus tost, « faire dresser l’équipaige des trois filles aisnées de Son Excellence, «pour les envoyer à Vostre Majesté, si Messieurs les parens, «sardes-nobles et tuteurs d'icelles, qu’on attend icy journelle- «ment, estoient arrivez. Mais d’aultant que ceux qui ont encores «lesdites filles pardeçà en leur puissance, n’y pourroient rien «disposer jusques à la venue desdits seigneurs gardes-nobles, «c’est cause que nous ne avons plus longtemps voulu manquer
«à nostre debvoir, pour, en toute humilité, supplier Vostre
«Majesté que son bon plaisir soit d’excuser, au regard que «dessus, nostre silence et le délay qu’avons mis à respondre à «ses lettres : priant Dieu d’octroyer à Vostre Majesté, 1 Madame, «en parfaite santé, heureuse et longue vie, en baisant très hum- «blement les mains d’icelle, etc., etc.»
