AOUT

A tous chez qui ces lettres verront et oiront le vicomte de Neufchatel salut : Sachent que pardevant Pierre Baul, clerc tabellion des lettres Monsegneur le duc, au Neufchatel, pour Jehan Dumoustier, si comme il nous a tesmoigné, fut présent Thomas de Bulli et recognut de sa bonne volenté pour luy et pour ses hoirs qu'il avoit baillié quittié et otrié, et du tout en tout, en perpétuel héritage, délessié à très haut et excellent prince Monsegneur le duc de Normandie chine soulz tournois de rente à prendre et à rechevoir, chascun an à la Toussaint, sus une pièche de terre, assise en la paroisse de Bulli, que tient Guillaume Caable; et joint d'un costé k la terre Monsieur Johan Lemulet, presbre, et d'autre costé à la terre Johan du Mouchel; et d'un bout à la terre au Sauvage. Et fut présente Nicole, famé dudit Guillaume, qui confessa devoir la dicte rente et rendre et paier, dore en avant, au dit terme au dit Monseigneur le duc ou à ses gens. Item oict soulz tournois de rente moitié à la saint Remy, et moitié à Noël sus une pièche de terre, assise en la dicte

paroisse, que tient Johan Bonnefille, et joint d'un costé au bos Messire Henry Louvel, chevalier, et d'un bout aussi et d'autre costé à la terre Guillaume le Fèvre, et d'autre bout au quemin. Et fu présent le dit Johan qui confessa devoir la dicte rente et rendre et paier au dit prince ou à ses gens as termes dessus dis. Item ching soulz à la Nativité Saint-Jehan Baptiste, sus une pièche de terre, que tient Gilles Féron, assise en la dicte paroisse et qui joint d'un costé à Régnant Journée, etc. Et fut présent le dit Gilles qui confessa devoir la dicte rente et rendre et paier, en la manière dessus dicte, chest à assavoir pour nuef livres tout es quen le dit Thomas estoit tenu au dit Monseigneur le duc, à cause du tiers et dangier des bois Monsieur Henri Louvel, chevalier, pour le terme de Pasquez desraine passée ; lez quelez rentez dessus dictez le dit Thomas, pour luy et pour ses hoirs, vers tous et contre, promest garantir, défifendre et délivrer et de tout empeschement despechier et fère les dictez rentes bonnez au dit prince en temps à venir. Et fut présente Umaine, famé du dit Thomas, qui jura sus saints Evvangiles, de sa bonne volenté et de l'atorité du dit son mari qui présent y estoit, que jamès as dishuic sous de rente dessus dis, riens par réson de héritage de douaire, de mariage encombré, riens dore en avant ne demandera, demander, ne réclamer ne fera par luy ne par aultre, en court laye ne de chrestienneté.

Et à ceu garantir et enterignier les dictz conjointz obligent leurs corps à tenir en prison, se eus déffaillent^ garantir tous leurs biens et de leurs hoirs, moeblez et non moeblez présens et à venir, à vendre et à despendre par la main de la justice souz que ils seront trouvez pour bailler au porteur de ces lettres, et rendre