URBIS ET ORBIS

DecreTuM. «Cum inter cetera religiosæ pietatis officia ad recolendam et meditandam uberiori fructu D. N.Jesu Christi caritatem, laudabilis exorta sit et multis in locis invaluerit consuetudo qua integer mensis Junius quotidianis devotionis exercitiis dulcissimo Ejus Cordi consecratur ; plurimorum Fidelium supplicationes porrectæ sunt Sanctissimo Domino Nostro Pio PP. IX. ut pia hæc exercitia peragentibus säcrarum Indulgentiarum munera concedere dignaretur.

» Itaque Sanctitas Sua petitionibus hujusmodi benigne exceptis, ut magis magisque injuriæ Divino humani generis Redemptori in præsenti potissimum rerum ac temporum discrimine illatæ reparentur ; universis utriusque sexus Christi fidelibus qui sive publice sive private peculiaribus precibus et devoti animi obsequiis in honorem SSmi Cordis Jesu per integrum mensem Junii quotidie corde saltem contrito vacaverint, [ndulgentiam septem annorum semel in singulis dicti mensis diebus lucrandam; et pariter iisdem Indulgentiam plenariam in una præfati mensis die ab unoquoque eligenda, in qua vere pœænitentes, confessi ac sacra Communione refecti fuerint, et aliquam ecclesiam seu publicum oratorium visitaverint, et ibi per aliquod temporis spatium juxta mentem Sanctitatis Suiæ pias ad Deum preces efFuderint, peramanter est impertitus ; cum facultate easdem Indulgentias applicandi pro animabus in Purgatorio detentis, Præsenti in perpetuum valituro absque ulla Brevis expeditione. Contrariis quibuscumque non obstantibus.

Datum Romæ ex Secretaria Sacræ Gongregationis Indulgentiarum et SS. Reliquiarum die 8 Maii 1873.»