PREUVE LIX

[1511], 1° août, Bourg. — Lettre de Chivilliard à Barangier concernant les travaux de Brou.

{Aulographe. Arch. Nord, B 18963, n° 37408).

Mon tres honnorë seigneur, je me recommande humblement a vostre bonne grace.

J’ay receu deux lettres de Madame, l’une par Martin, l’aultre par Mengin. Je luy escriptz de mes nouvelles et aussi a mons. le Gouverneur.

Mofflet a vou l'ediffice tout au long si comme nous sumes apres fere les cuysines, garde mangier, aygueroutil, retraitz et aultres choses illecques necessaires. Tout sera fait a Pasques si le bon plaisir de Madame m'avance IIIT escus, ainsi que j'en advertiz mons. le gouverneur par une memoyre don le double est icy encloz, et vous prie avoir sur le tout response. Il est temps entendre a chescune des partyes.

Aussi j'ay receu vostre lettre par Martin et, tant par icelle comme par d’aultres et vraye experience, apperceu qu'estes plus mon amy que les bons qui ont escript. La verité sera a querre. Je ne suys ny flacteur ny envieus.

J’ay monstré vostre lettre a madame la maistresse [femme de Louis Barangier] et aussi a madame la presidente [femme de Mercurin de Gattinara] et leur ay offert tout mon pouvoir, Il ne restera synon faulte de m’employer. J’ay bon vouloir leur fere et a vous quelque bon service.

J'escriptz a madame que Mofflet a visité son ediffice si que par effect il me fault HITS escus. Elle fera son prouffit.

(1) D'après une autre lettre de ce personnage, datée de Belley, 13 août [1511], le duc de Savoie aurait convoqué à Annecv, à une autre réunion pour le 20 août, les gens d'église et les châtelains de Bresse (Arch. Nord, L. M., n° 33671).

J'ay envoyé a Jehan de Paris et a Jehan Lemayre et ay escript a maistre Henriet venir veoir nostre cave et l'ediffice, aussi pour avoir son oppinion touchant l'esglise. J'envoye les lettres de response dudit maistre Jehan de Paris et de maistre Henriet a mons. le gouverneur, que je pense il mounstrera a Madame et que vous pourrés veoir apres. Vous y entendrés mes petites dilligences.

Maistre Tibaut a est{é] icy avoir receu les pourtratz dudict maistre Jehan de Paris. Il viendra besoigner selon le commandement de Madame.

Mengin a son rotour pourtera la response de Messeigneur du Conseil touchant aulsé l’esglise. Il m'y appellerent et me feirent asseoir aupres mons. le maistre Badel. Mays jamés ne se voulsit retourné devers moy. Il ne peut laisser son ire. Je ne vouldroye tenir de sa complexion….

Escript a Bourg le premier jour d’aoust.

Vostre petit serviteur a jamays, Signé : ESTIENNE CHIVILLIARD.

Sur le dos : À mon tres honnoré seigneur monseigneur le maistre Barangier.