Voy. cette lettre d'Elisabeth, p. 75 et

trè&^hiimblement Voz Majestez de ne mectre aucun delay à l'accomplissement décela, et après qu'aurez faict délivrer l'acte du serment et de la dicte confirmation à l'ambassadeur de la dicte dame, qu'il vous plaise par mesme moyen m'envoyer la sus dicte lettre, avecq laquelle je seray bien deçeu si je ne rendz la dicte dame très^onstante vers Vos dictes Majestez , et ne puis cesser, madame, de vous suplier très-humblement et adjurer celle vostre clémence et bonté de laquelle il vous a pieu me faire tousjours très-bien et beaucoup espérer que vuellez faire partir promptement M. de Mauvissière, àf&n qu'il soit icy avant le prochain progrez (voyage) de ceste princesse, laquelle le veult commancer incontinant après la Pantecoste. Car je ne me sens ny en assez de santé ny en disposition pour le pouvoir aucunement suyvre ny que mesme je puisse plus vivre, si je ne sortz bien tost d'icy, et que je ne change d'aer, de quoy je retourne suplier très -humblement Vostre Majesté, à laquelle baisant très-humblement les mains, je priray Dieu vous donner, etc.

De Londres , 21 avril 1575.

Gomme ceste lettre estoit signée, le sieur de Vassal est arrivé avecq celles de Voz Majestez du XlIP du présent, ausquelles M. de La Chastre aura depuys amplement satisfaict, et je persévère, quant au reste, en ma très^humble et très*juste requeste , qu'il vous plaise faire partir promptement M, de Mauvissière,

LA MOTHE-FÉNELON A CATHERINE DE MÉDICIS

(2G avril 1575.)

Madame, par la dépesche que le sieur de Vassal m'a apportée et par l'instruction des aultres choses que Vostre Majesté luy

a commandé me dire de bouche, j'ay mis peine que ceste prin* cesse et les siens soient demeurez capables et mieux édiffiez qu'ilz n'estoient des événementz de dellà, et n'est plus besoing que de ces actes qu'on attend icy du Roy , pour y establir une bien ferme et perdurable amityé, et ne pourroit M. de Mauvissière arriver jamays en nulle meilleure saison qu'à présent pour bien commancer sanégotiation, laquelle j'espère qu'il la fera réuscyr heureuse pour le service de Voz Majestez, et elles, s'il leur plaist, me permectront que j'aille ung peu me soulager de mes peynes et pertes et indisposition et aultres extrêmes nécessitez que je ne puys en façon du monde plus supporter icy, dont vous suplie très-humblement, madame, luy commander résoluement de partir, si desjà il ne s'estoit acheminé, et sur ce qu'il s'est trouvé quelque difficulté de pouvoir accorder ung brevet de retenue * de gentilhomme de la Chambre à milord Saint-Jehan escossoys, il sera bon que au moins il plaise au Roy luy envoyer une sienne lettre en forme de protection , avec laquelle je mettray peyne de le contanter et le retenir le mieux que je pourray en la dévotiou qu'il monstre avoir à la couronne de France, aydant le Créateur, auquel je prie, après avoir très-humblement baisé les mains de Vostre Majesté, qu'il vous doinct,

Madame, etc.

De Londres, ce XXVl"" jour d'apvril 1575.

1. On appelait ainsi un brevet par lequel le roi donnait une certaine somme sur le prix d'une charge, d'un gouvernement, etc., à la femme, aux héritiers ou aux créanciers du titulaire.

LA UOTHE-FÉNELON A CATHERINE DE MÉDICIS

(Dernier jour d'ayril 1575.)

Madame, en continuant de faire en l'endroict de ceste princesse ce que j'estime pouvoir tousjours plus servir pour l'attacher et unyr davantage à l'intelligence de Voz Très-Ghrestiennes Msgestez, il vous plaira veoir en la lettre que j'escriptz présantement au Roy vostre filz ce qui depuys huict jours s'est passé entre elle et moy, qui vous fera aussy veoir à quoy semble que les choses de deçà se vont disposant vers celles de voz affaires, et n'est besoing que j'ennuye là-dessus Vostre Majesté de redictes, mais je vous suphe bien très-humblement, madame, qu'il vous plaise me faire bientost avoir responce sur la particularité de l'ordre de la Jartière, espérant que quant aux aidtres responces qu'aurez advisé de me faire après le retour de M, de La Chastre que je les recepvray premier que Vostre Majesté ayt ceste-cy, et qu'il ne se passera encore ung jour ou deux que je n'aye de voz bonnes nouvelles et de celles de l'advancement de la paix (nonobstant qu'on die icy qu'il n'y a plus d'espérance), et du partement de M. de Mauvissière, duquel pour des indispositions qui s'adjoustent de jour en jour nouvelles à celles que j'avoys auparavant et qui me réduisent du tout icy à bien insuportable extrémité, je vous suplie trèshumblement, madame, haster sa venue; car, oïdtre ce qui touche à mon besoing , lequel ne peult admettre ny temps ny dellay, il sera trop plus à propos qu'il arrive maintenant que en nule autre saison qu'il peult jamais attendre, et je suplieray le Créateur, après avoir très-humblement baisé les mains de Vostre Majesté, qu'il vous doinct.

Madame, etc.

De Londres , le dernier jour d'apyril 1575.

LA MOTHE-FÉNELON AU SECRÉTAIRE d'ÉTAT BRULART^

(Dernier jour d'avril 1575.)

Monsieur, je desduictz sommairement en deux lettres que je £ay présantement à Leurs Majestez troys petites particularitez l'une de la royne d'Escosse , Taultre de troys gentilzhommes freschement arrivez par deçà, lesquelz y ont esté dépeschez par l'assemblée naguère tenue à Basle, et la troysième est de l'ellection qu'on a faicte icy du Roy à l'ordre de la Jartière, dont de la première je désire bien qu'il plaise à Leurs Majestez en faire part à MM* les parans de la royne d'Ëscosse, et à M. de Glasco son ambassadeur, af&n qu'ilz ne demeurent trop en peyne de ce que M. de La Chastre leur auroit peu rapporter au vray des rigoureux propos que la royne d'Angleterre luy tint contre la dicte dame.

Quant au second, le temps, possible, me descouvrira ce qu'on tient à ceste heure très-caché et le plus secret qu'il est possible.

Au regard du troisième, j'espère que le Roy l'aura bien agréable, et il est besoing que par ses premières il vous plaise me faire ung honneste article de son contantement, afSn que je le puisse monstrer à ceste princesse; mais il y a encore ung quatriesme de mon congé, auquel je inciste extrêmement de faire partir M. de Mauvissière tout inconlinant, si desjà il ne l'estoit pour me venir relever; car je viz en telle destresse à présent icy que le cueur me fend, et je n'ay parolle pour le pouvoir assez bien exprimer, dont je vous requiers de la plus profonde affection que je puys, et M. Pinart, s'il est venu, et pareillemeiit M. de Morvilliers et M. de Limoges , ung chacun à part et tous les quatre ensemble, qu'il vous plaise me ayder en si bonne sorte que la présante occasion

t. Sur le dos est écrit : Monsieur Bruslart , conseiller du Eoy et secrétaire d*Ettat et de Finances de Sa Majesté.

ne se puisse ny passer ny prolonger , et je prieray Dieu , après ayoir à tous quatre très-cordialement salué toutes voz bonnes grâces de mes bien fort humbles recommandations, qu'il vous doinct et à eulx.

Monsieur, en très-bonne santé, etc.

De Londres, dernier jour d'apyril 1575.

LA MOTHE-FÉNELON A CATHERINE DE MÉDiaS.

(6 mai 1575.)

Madame, le mois se va desjà accomplyr que M. de La Cbastre est party de ce lieu pour raporter beaucoup d'honnestes et honorables satisfactions de caste princesse et des seigneurs de son Conseil et de tout ce royaume à Voz Très-Chrestiennes Majestez, d'où l'on commance de s'esbayr beaucoup comme il me tarde tant d'arriver des lettres d'elles pour en aller faire quelque agréable démonstration de gratitude de leur part à la dicte dame, mais j'espère que j'auray bien tost de quoy y pouvoir si habondamment satisfaire, que la tardité s'en trouvera bien récompancée. Cependant je continue de vous donner adviz des choses qui surviennent icy, sellon que Vostre Majesté les verra en la lettre que j'escriptz au Roy vostre filz, laquelle suffira pour n'estendre davantage là-dessus la présente, et vous diray seulement, madame, que à ce prochain mois de juing y aura ung an que je n'ay receu ung seul denier de toutes les assignations qu'on m'a baiUées à cause que le seigneur Sardini a faict le long et le diffîciUe d'acquitter celles dont M. le trésorier de l'espargne m'avoit adressé sur luy dès l'année passée, de sorte que j'en suys en très-grande peyne, et en souffre de gros intérestz, en dangier d'estre miz en arrest à ma grande confuzion et au grand détriment de vostre service ; dont

i96 LETTRES INÉDITES

je suplie très-humblement Vostre Majesté de commander à icelluy seigneur Sardini d'acquitter promptement.mes dictes assignations avec rintérest du passé aux seigneurs Macey et Cenamy pour le seigneur Acerbo Velutelly, du quel j'ai toutjour jusques à présent emprumpté ce qui me faisoit du jour à la journée besoing pour mon entretenement, lequel sellon ung advertissement qu'on luy a escript de Paris le XXV"' du passé , du quel il m'a envoyé la coppie (et je l'ay adjouxtée à ce pacquet), il ne me veult plus fomir» ains me menace de me trotter bien rudement pour ce que desjà je luy doibtz; et Vostre Majesté au surplus ne veuille nullement oublyer de faire partir M. de Mauvissière, si desjà il ne l'estoit poiu* me venir relever, duquel avec grand désir et avec beaucoup de nécessitez j'attendz en très-grande dévotion son arrivée, et je suplieray le Créateur, après avoir très-humblement baysé les mains de Vostre Majesté, qu'il vous doinct. Madame, etc.

De Londres , le sixième jour de may 157 S.

LA MOTHE-FENELC^ A BHULART.

(6 mai 1575.)

Monsieur, il commance desjà de tarder icy beaucoup qu'il ne m'arrive quelque dépesche de Leurs Majestez Trës-Chrestiennes après le retour de M. de La Chastre par dellà, de quoy je veulx croyre de bon cueur que le retardement ne provient que de bonne occasion, et au moins qu'il n'y a ny négligence ny manquement aulcun de vostre costé. J'espère qu'avant que ceste-cy parviegne en voz moins que j'auray receu de celles de Leurs Majestez et des vostres avec quelque satisfaction des prindpaulx poinctz que le dict sieur de La Chastre a emportez et de

ceulz que j'ay escripts despuis, et que bien tost après vous me ferez aussi avoir responce sur la particularité de ma dernière dépesche touchant l'elleçtion qu'on a faicte icy du Roy à l'ordre de la Jartière, J'ay adjouxté à ce pacquet une lettre que sir Arthus Chambemon m'a escripte , sur laquelle je vous prie aire en sorte que Leurs Majestez veuillent commander qu'il soit pourveu à sa demande ; car il semble qu'elle est fort juste. J'y ay adjouxté aussi l'extret de deux lettres testimoniales que milord de Saint-Jean, Escoucoys, m'a baillées, afOn qu'il playse au Roy luy faire expédier une aultre lettre, non semblable à nule de ces deux, mais pour prandre le mémoire sur icelles, de celle qu'il suplie très-humblement Sa Majesté de luy vouloir donner en forme de protection, et surtout je vous recommande avec plus d'afifection que jamais mon congé, et qu'il vous playse haster le partement de M. de Mauvissière. Je fay aussi à Leurs Majestez ung article du tort que le sieur Scipion Sardini me faict touchant les assignations que M. le trésorier de l'espargne m'a baillées sur luy, il y a tantost img an, lesquelles il ne tient compte d'acquitter, qui me faict vivre icy en beaucoup de honte et de peyne et de grande extrémité, et le service du Roy en souffre détriment et me vient de dire le sieur Acerbo que si au moins, après luy avoir plusieurs fois failly de parolle au temps que luy-mesme par diverses lettres luy avoit escript et moy qu'il le payeroit, il y satisfaisoit à ce commencement de juing pour servir aux payements de Lion, qu'encore se pourroit quelque partie du retardement excuser, dont je vous suplie, monsieur, faire tant pour moy que de faire commander par Leurs Majestez et par messieurs des Finances très-expressément au dict sieur Scipion qu'il n'ayt à y user d'aidcun délay ni retardement, et qu'il conviegne de telle sorte avec les sieurs Macey et Genamy, agents par dellà du dict sieur Âcerbo, qu'Uz n'ayent à se plaindre ny à rechercher aulcun intérest sur moy, vous envoyant à cest effect l'extret d'une lettre qui a esté là-dessus escripte de Paris le XXV* d'apvril au dict sieur Acerbo, affin de la faire veoir à la Royne et à messieurs des Finances ; et je

i98 LETTRES INËDITES

prieray Dieu, après avoir saké toutes voz bonnes grâces, et celles, s'il vous plaict, de M. de Morviliers et de M. de Limoges, de mes bien fort humbles recommandations, qu'il vous doinct et à eulx, etc.

De Londres , ce VI"* jour de may 1575.

Je VOUS adressera; toutjour mes dépesches jusques à ce que par lettres de Leurs Majestez je cognoistray que M. Pinart soit arrivé. A toutes advantures je luy présenteray icy, s'il vous plaist, un très-<ordial et bien humble salut, à toutes ses bonnes grâces.

LA MOTHE-FÉNELON A CATHEHINE DE BIÉDICIS.

(12 mai 1575.)

Madame, encor que par trois et quatre dépesches que ceste princesse a naguères receues de son ambassadeur, elle ayt possible esté assez bien informée des choses de delà, si monstre elle de n'avoir guières de contantement qu'il ne me viegne de quoy luy en aller aussi faire quelque relation de vostre part, y ayant plus d'ung mois que je n'ay esté vers elle par faute d'argument, non qu'il ne m'en habonde assès, mais il n'est bien à propos que je l'aille trouver, sans que j'en aye quelqu'un bien fondé, et qui procède véritablement de Voz Majestez pour l'opposer à ceulx qu'on luy faict assez souvent contre vostre service. Je metz en la lettre du Roy vostre filz ce qui aparoit icy maintenant de plus important, et quant il adviendra que quelque chose se manifestera davantage, je ne seray paresseux de le vous mander. Le temps du progrez * de la dicte dame aproche bien fort , lequel faict que plus instantment que jamais je desire l'arrivée de M. de Mauvissière, affin de l'avoir présanté