Die (Drome

LAZARE DE RAlT MAITRE DES REQUETES 13!

ne monte pas la cottisasion des deux aultres ; de quoy vous ay bien voullu advertyr, car je ne vouldroys point faillir en pençant faire le proffict du Roy. Il y a tout plain d'aultres prieurez de grosse valleur qui ne sont point cottisez. Mandez moy s'il vous plaist que je vous en envoyé ung roolle et la valleur d'iceulx. Quant tout est dict, les deux prieurez de Sainct-Marcel sont soubz Vallance, car Dye est du dioceze et uny à Vallance.

Monseigneur, je supplye, etc. De Montelymart, ce premier jour de may 1538.

Vostre humble serviteur, Lazare de Bayf.

... Monseigneur ', si la court eust esté loing d'icy, je eusse passé oultre sans vous en fasclier ; mais voyant que vous estez près d'icy, vous en ay bien voullu advertyr pour leur satisfaire ; car, par ce moyen, j'ay tiré d'eux la somme de soixante six escuz qui est presque les deux tiers desdicts cent escuz à quoy ledict doyen estoyt cottisé, qui n'avoyt pas ung solz, ainsi que j'ay entendu de ceulx qui le congnoissent, et croy qu'il ne les eust sceu trouver. Car, comme m'a dict le seneschal dudict lieu, son doyenné neluy vault pas vingt cinq escuz et, s'il n'y est et n'y réside, n'y prant comme rien, et à ne en bouger, n'en sçauroyt avoyr tiré trente cinq escuz, ainsi que m'a dict ledict seneschal. L'église collégiale de Cretz - est bien plus riche et en a on plus tiré d'argent, et de beaucoup d'aultres ausquelz l'on ne demande rien.

Monseigneur, je supplye, etc. De Viviers, ce II'"'' jour de may 1538.

Vostre humble serviteur, Lazare de Bayf.

1. Le début de la lettre reproduit textuellement le premier paragraphe de la lettre précédente.