V-y De couroucier tout li .111. frère
Quant Griffaniont mener en voient,
Ou quel grant espérance avoient
Que celi deuist desconfire.
10645 II n'en scevent entre yaus que dire ;
A moult grant tiennent ce damage.
Entre les .111. y eut .1. sage
Qui dist : « Signeur, c'est nos pourfis
« Que nos frères est desconfis ; io65o « Car cilz nous a apris le tour
« De la bataille et de l'estour. /. y8 d
« Il n'est pris, fors par barterie
« Et par soutieue luiterie,
« Car, si com nous poons compter, 10655 « Pour ce le fist il remonter;
« Car jamais ne l'euist eu
« A piet. Or nous a pourveii
« De son tour et de son malisce.
« Jewé nous a d'un vilain visce :
10660 « Si nous en garderons demain
« Ou apriès, s'ensi chiet a main.
« La cose pour nous est moult belle ;
« Car, en combatant no querelle,
« S'il en y avoit pris de nous io665 « Jusques a .111., si les poet tous
« Délivrer et remettre arrière
« Li uns de nous, par le manière
« Et l'ordenance qui est faite
« Entre nous, jurée et pourtraite.
10670 « Or regardons li quels demain
« Prendera la lance en la main
« Pour nostre frère délivrer. »
Adonques s'ala présenter Cobastres, et dist qu'il iroit,
10675 Ne nulz devant lui ne feroit La bataille, et on li acorde.
Adonc ce jour on li recorde Comment il se gouvernera, Et comment le mieus il pora
10680 Ce bleu chevalier desconfire,
Qui leur fait rechevoir grani ire De leur frère qu'il a conquis, Qui si bien estoit d'armes duis.
MELYADOR est reveuus, Qui ne s'est mies quois tenus : /. y g a
Ou chastiel grans nouvelles porte.
Contre lui ist hors de le porte
La damoiselle de Montrose,
Qui le rechut, c'est vraie cose, 10690 Moult liement et a bon droit.
Melyador, qui se vodroit
Acquitter a lui et a toutes,
Dist : « Ma dame, ostés vous de doubte,
« Je vous amaine .1. prisonnier. »
10695 — « Sire », dist elle au chevalier,
« De ce remerciier vous doi.
« Pleuist a Dieu que tous li troi
« Fuissent au point que cilz chi est. )>
Et Melyador lors se test, 10700 Mais, pour ce, ne pense il point mains.
Adonc délivra, ens es mains
De Florence, ce Griffamont.
On le fist lors monter amont
.1. degrés et puis un retour.
10705 Enfremés fu en une tour;
Ne sçai quant il en istera.
Jusc'a tant que l'en ostera
Ses frères, il n'en poet partir.
Tout ce jour furent sans mentir 107 10 Ou chastiel moult esleechié ;
De riens ne [se] sentent blechié.
A l'endemain, environ prime,
Melyador, qui bien exprime
La journée qu'il doit avoir, 10715 Pour faire en tous cas son devoir,
S'est armés bien et fricement.
Pas ne volt issir nicement,
Ne mies n'apertient a li :
De terre ens ou cheval salli /. jg h
10720 — Onques n'en seut gré as estriers — ;
Si estoit ce .1. moult biaus destriers
C'on li avoit laiens bailliet.
Le hyaume a son point tailliet
Li mist Lansonnès en la tieste.
10725 De son mestre fait cilz grant feste
De ce qu'en bon estât le voit;
De quanqu'il li fault le pourvoit.
Lors se départent dou chastiel.
La dame ala a .1. crestiel, 10730 Pour mieus veoir la contenance,
La bataille avoec l'ordenance
Qui se fera des .11. vassaus.
Si com acors va et consaulz.
UNE espasse s'est la tenus, Celi attendans qui venus N'estoit pas sus le place encor, Li chevaliers au soleil d'or; Mais il vint tout a galopant Et vent a son cheval hapant,
4Î MELIADOR
10740 Par quoi il l'ait mieus a son gré.
Quant il furent tout doi ou pré,
Cescuns si a son glave pris.
Les cuers de grant corage espris,
Li .1. dessus l'autre s'en vienent, 10745 Et de ce cop si bien se tienent
Que onques estriers n'en perdirent.
Nompourquant cil et celles dirent,
Qui en joustant les avisèrent
Et qui .1. peu en devisèrent, 10750 Que la jouste fu forte et rade,
Et se li cheval fuissent fade,
Malagrené et mal nouri.
Si corn cil estalon pouri f. y g c
Sur quoi uns alemans tournoie, 10755 II feussent cheii en la voie.
Tant furent li cop bien bouté.
Cil qui n'ont l'un l'autre douté
Nulle riens, pour yàùs miex requerre.
Ont jette leurs lances a terre 10760 Et traient les espées nues.
Si les ont en hault estendues
Et s'en donnent grans hatiplas.
Melyador qui fu des bras
Grans et fors, et bien enfourciés, 10765 S'est dessus Cobastre adreciés,
Qui jette li avoit d'estoc
Par dessus son escu .1. cop;
Siques, ains qu'il peuist ravoir
Sen espée, sachiés pour voir, 10770 Melyador si s'avança
Qui son brac ou col li lança.
Regardés com grant apertise
Et comment hardemens l'atise!
La l'estraint et si fort le tire 10775 Qu'il li fait souffrir grant martire,
Car desous son brach tient sa tieste,
Dont Cobastres n'a point de fieste,
Et Testraint si fort par manière
Que le hyaume et le baiviere 10780 Li embare si priés des joes
Qu'il fist la dedens bien .c. moes,
Ne ravoir ne poet son alainne.
« Est donc bataille si villainne »,
Ce poet il la dire a par soy; 10785 « S'autre remède je n'i voi,
a II me faurra, voelle ou non, rendre. »
Melyador, qui voet entendre /. jg d
A furnir ce qu'il a empris,
Le pumiel de s'espée a pris 10790 A l'autre main. Si en ordonne
A celi si grans cops et donne,
Qu'il samble c'assommer le doie,
Et cilz qui la dedens ardoie,
Qui ne poet parler ne riens dire, 10795 Se lait tout ensi desconfire.
Comme il fust mors ne plus ne mains,
Il tent encontrement ses mains
Et fait signe qu'il se voet rendre.
Lors li laissa .1. peu reprendre 10800 Li bleus chevaliers sen alainne.
Qui sent bien comment il le mainne
Et en quel dangier il le tient;
A tel ou nulz ne s'apertient.
Se poet on bien penser et croire, io8o5 Quant cilz peut .1. peu de l'air boire,
Si n'en fu mies si adis ;
Mais li samble qu'en Paradys
Fust rentrés et issus d'Infier.
Et cilz qui le corage ot fier 10810 Et qui trop dur l'a atasté,
En parlant a lui l'a hasté,
Et dist ensi : « Que voes tu dire?
« Rendre te fault, sans contredire,
« Ou tu seras mors en présent. »
io8i5 Cobastre, qui Tanguisse sent
Et avoit senti en devant,
Estent la droite main avant
Et dist : « Sire, je me renc pris. »
Melyador a la foy pris, 10820 Et le hyaume li deslace.
Moult très grandement s'en solace f. 80
La damoiselle de Montrose;
En soy imagine et suppose
Que ses chevaliers vaintera 10825 Les aultres et les mettera
Tous desconfis en sa prison.
Moult sont de coer en grant friçon
Ly doy frère de ce Cobastre,
Madrigais et ossi Balastre.
io83o D'iaus esjoîr n'ont nul talent,
Ançois sont en grant mautalent,
Quant leur frère mener en voient;
Il samble que marvoiier doient,
Tant sont il en coer aïré.
108 3 5 Arrière se sont retiré
Vers leur logeïs et leur tente.
Gourous si les enflamme et tempte
Que il ne s'en poeent ravoir,
Et dient : « Nulz ne poet savoir 10840 « Les tours que cilz chevaliers scet.
« Par lui ont estet enchantet
« No doi frère ; il n'est mies doubte.
« Pas n'est sages qui ne redoubte
« Au voir dire ses divers tours, 1 0845 « Quant conquis a par .11. estours
(( Nos .11. frères, bons chevaliers. »
Dist Balastres : « Tous li premiers
« A qui il se combatera,
« Vraiement mes corps ce sera.
o85o « Je me voel a lui esprouver,
« Se tel je le porai trouver
« Que je Tai veii au combatre. »
Ensi se poeent la debatre
Li doi frère en yaus lamentant, o855 Et Melyador a fait tant /. 80 b
Qu'il est rentrés ens ou chastiel.
La damoiselle en grant reviel
L'a recheû, il n'est pas doubte ;
Ossi a sa mesnie toute.
10860 /^R ont ou chastiel de Montrose
v^ .11. prisonniers, c'est vraie cose; La damoiselle tous ensamble Les fist mettre, si com me samble.
Melyador se desarma,
io865 Qui dedens une cambre entra Et puis se jetta sus son lit, Car somillier volt .1. petit.
La s'endormi a son voloir, Et fu proprement jusc'au soir
10870 Dedens sa cambre sans partir.
Ens ou terme qu'il peut dormir Et qu'il fu en la cambre enclos, Avint une aultre cose ou clos, Car il convint la porte arrière
10875 Ouvrir et ossi la barrière;
Car sus la vesprée y sourvint Uns chevaliers errans et vint, Li quelz avoit moult travilliet Et maint chevalier resvilliet
10880 Et porté de la jouste a terre.
Tous propres estoit pour la guerre ;
Mais, puis .iiii. jours en devant
Et dedens Galles chevaucant,
Estoit fourvoiiés telement 10885 Que il ne pooit nullement
Trouver ne voie ne adrece,
Jusc'a tant que la forterece
De Montrose vit devant li.
A la barrière descendi, f. 80
10890 Par dalés lui son escuier,
Et prisent laiens a buschier,
Tant qu'il furent bien entendu;
Il n'ont gaires la attendu.
Quant il furent mis en le porte, 10895 La dame grant solas leur porte,
Car elle les vint conjoïr
Et, sans enquerre ne oïr
Dou chevalier nom ne sournom,
Entre lui et son compagnon, 10900 En une cambre les amainne.
Messires Tangis, qui grant painne Avoit puis .ini. jours eu.
Si tos qu'il en la cambre fu, Ils se desarma sans attendre.
10905 La damoiselle fait entendre
A lui moult bien et de tous poins Se li compte, quant il est poins, De Melyador tout le fait, Et quel cose il avoit ja fait 109 10 Et avoit entrepris a faire.
Quant compté en ot tout l'afaire, Se li dist : « Sire, vous qui estes « Li uns des chevaliers des questes, « Savés vous comment on l'appelle? »
10915 Cilz respondi : « Ma damoiselle, « Nennil voir, ne pas n'est raisons « Que nullement nous cognissons,
<t Fors seulement que par parures;
« Onques ne vi ses armeiires, 10920 « Se droit chi ne les me nommés. »
— « Sire, » dist la dame, « il est telz
« Qu'il s'arme de bleu, ce me samble;
« Mais sa targe si se dessamble f, 80 d
« D'un soleil d'or, dont il se brise. » 10925 Lors messires Tangis li prise
Le chevalier sur toute riens,
Et dist : « Dame, c'est uns grans biens,
« Quant il est ceens descendus.
« Encontre lui ne s'affiert nuls 10930 « De proece et chevalerie.
« C'est cilz, ne vous en doubtés mie,
« Qui ot le pris devant la Garde,
« Le quel pris li rois Artus garde,
« A ce que j'ay oy compter; 10935 « Car onques ne l'en volt porter,
« Quant au tournoy en fist conqueste.
« Et sachiés qu'en toute no queste,
« Vous ne trouveriés le parel,
« Pour vous pourveïr de conseil 10940 « A ce que vous avés a faire,
« Si com je voi en vostre afaire. »
iT quant la damoiselle entent Le chevalier qui telement Li prise le bleu chevalier,
10945 Se li dist pour resleecier :
« Sire, le volés vous veoir? »
Et cilz li respont : « Nennil, voir, « Car je senc tant de son secré « Qu'il ne vous en saroit ja gré.
10950 « Si ne me voel jou partir point « De vous, retenés y ce point
« Jusc'a tant que veii Tarai
« Combatant, et que je sarai
« Comment il fera la besongne. »
10955 Et la damoiselle, qui songne
A ses gens qu'il soit bien servis,
Se part de lui sus tel avis, f. 81 a
Et dist bien que il le vera,
Et qu'en tel lieu le mettera 10960 Que ja riens ne sara de li.
Ensi sus cel estât parti
Et le lait o son escuier.
Or parlons dou bleu chevalier,
Qui estoit en sa chambre enclos 10965 Et avoit tenu les esclos
De dormir une grant espasse
Tant c'a la vesprée bien basse,
Et adoncques se resvilla.
Son varlet tantost appella; 10970 Cilz respondi : « Que vous fault, sire? »
— « Vien avant, je le te voel dire.
tt Entrues que j'ay espasse et heure,
« Mon esperit otant labeure
« En dormant qu'il fait en villant. »
10975 — « En quoi? », ce respondi errant
Son varlet, qui voloit savoir
De cette parolle le voir,
Et Melyador prist a rire,
Qui li ala erranment dire :
10980 « En pensant a mes amouretes,
« Je faisoie ore cançonnetes,
« Car j'en sui si fort abuvrés
« Que mes cuers en est aouvrés
« Toutdis; c'est une cose fiere. »
10985 Et Lansonnès, qui la manière
De son maistre bien cognissoit,
Li dist : « Sire, et qui le vodroit
« Oîr, le sariés vous arrière
« Recorder en tele manière 10990 « Que vous l'avés fait en dormant? »
Respont Melyador errant : f 81 h
« Oil, mais il faut que g'i pense
(i .1. peu. Or te met en l'absense
« De moy, et t'apoie a cel huis.
10995 « Tantost y viserai. » De puis
Que Lansonnès y fu aies,
Il n'i est gaires séjournes,
Quant Melyador dist : « Vieng ça ;
« Je te le dirai. » Adont la I 1000 Li commença Melyador
A recorder, de cief en cor.
C'estoit une balade belle
Qui leur sembla assés nouvelle.
Et otant bien fait elle moy.
I ioo5 En lisant, vous orés de quoi.
Balade.
Il n'est nulle cose que j'oie, Ne qui me face tant avoir De tous biens, d'eiir et de joie Que ma douce dame a veoir.
no 10 Je le désire plus c'avoir
Nul ou monde, car par ce point En moy n'aroit de dolour point.
r ouR nulle riens ne m'osteroie De faire vers li mon devoir, I ioi5 Ançois a li dou tout m'otroie. Et ce sace elle bien, de voir :
Je li doi bien, par droit devoir.
11017 doi, B doit.
