I. joedi, a heure de nonne

S'en revinrent, c'est vraie cose,

Li dit maronnier a Montrose 12625 Qui dévoient, si com savés

Et que compter oy avés,

Melyador en Cornuaille

Mener; or ne peurent, sans faille,

Pour le vent mauvais et contraire.

i263o A leur dame vont tout retraire

Leur voiage, et le grant péril

En quoi il furent et tout cil

Qu'il avoient en gouvrenance,

Et ossi par quele ordonnance, 12635 Et quant il eurent tant waucré,

Il se trouvèrent tout ancré

En .1. isle dedens Escoce.

Et quant la damoiselle ot ce,

Si en fu forment couroucie 1 2640 Et encores s'est radrecie

De demander as maronniers :

« Dittes moy, li dis chevaliers,

« Ou est il et ou demora ?

« Est il en liu ou il pora 12645 « Estre au tournoy que tant désire ? »

— « Cela ne vous savons a dire,

« Dame, mais nous laiiet l'avons

« En Escoce, et si n'en savons

« Plus avant^ fors tant qu'il moustroit i265o « Qu'il avoit le cuer moult destroit.

« Ne savons qu'il a fait de puis. »

Dist Florence : « Veoir ne puis,

« Puis qu'il a tel empecement,

« Qu'il soit au tournoy nullement, /. g3 c 12655 « Ou tant desiroit a aler. »

Lors en laissierent le parler,

Ne plus la ne s'en démenèrent

Et en aultre pourpos entrerenti

Nous lairons ci, c'est vraie cose, De l'iretiere de Montrose,

Et parlerons en bonne foy De l'ordenance et de l'arroi Dou tournoy, comment il se tint.

Quant li jours approça, on vint