OCTOBRE. — TESTAMENT DE GUY DE LAVAL-LOUÉ
11 donne à messire Thibauld de Laval, chevalier, son frère, une chambre blanche portraicte à un cerf, garnie de tapisseries et deux couvertouères l'un fouré de gris et l'autre de menu vair.
A messire Jean de Laval, chevalier, son frère aisné, une chambre blanche de couetiz poinctez, garnie comme elle est.
A madame Jeanne de Laval et de Vitré, une chambre blanche moult notable de couetiz poinctez de terre de Naples, portraicte de plusieurs et diverses figures.
A noble et puissant seigneur monseigneur de Laval et de Vitré, un harnois de jouste.
A noble et puissante dame madame Anne de Laval, compagne de mondit sieur de Laval, une autre chambre de couetiz poinctez et une grande courte poincte mole étoffée de cotton, affin que lesdites dames ayent mémoire du salut de l'âme dudit testateur.
Item au sire de Grave, leur filz aisné, un haubergeon d'acier légier.
Item donne etc.
Par ledit testament est rapporté l'accord et transaction faicte avec les héritiers de Marguerilte de la Macheferrière,
son épouse, touchant la donaison de la tierce partie de son bien, faicte audit Guy, par laquelle est dit que la terre de Montjean demeurera audit Guy, à la charge de porler le nom de Guion et les armes de Laval, o un quartier deBeaumont. Et au deffault, ladite terre de Montjean retournera aux héritiers de ladicte Margueritte, qui seront tenuz remettre les deux cens livres de rente que ledit Gui de Laval leur a baillé par la transaction susdicte.
Godicile dudit Guy de Laval, faict le 23 aoust 1419, en son hostel de la Motte-Glérembault à Laval.
Il ratiffîe ledict testament cy dessus et nomme M. Jean Ouvrouin, chevallier, seigneur de Polligny, l'un de ses exécutteurs testamentaires ; et faict mention en icelluy des seigneurs de Brée ses nepveuz et ordonne que sy sa maison de la Motte-Glérembault, dicte à présent maison de Montjean, estoit vendue et sortist de sa famille, il la donnoit au chapitre de Saint-Tugal.
Une autre de leurs fondations fut celle du prieuré de Benais. Voir p. 111-432 du tome iv du Bulletin de la Société d'Indre-et-Loire.
