Ici une date raturée : Le VHP jour d'octobre

paignie de Lxxharquebouziers à cheval, pour y tenir garnison, j'ay advisc et ordonné de l'envoyer à Allençon au lieu de celle dont a la charge le capitaine Pastoureau, que je fais venir en mon pays du Mayne.

J'ay bien voullu vous faire ceste lettre pour vous dire et mander que vous ayez à mener et conduire incontinent vostre dite compagnie au dict Alençon, pour y tenir garnison et elle sera néanmoins paiée des deniers qui se lèvent à ceste fin en mon dict païs du Mayne. Vous envoyant mes lettres patentes et commission et clauses pour faire recevoir votre dicte compagnie à Allençon.

Touteffois si le sieur de Fargis, mon lieutenant général au gouvernement de mon dict païs du Mayne, avoit affaire de vous et de votre dicte compagnie pour l'exécution de ce que je lui ay commandé, vous ne bougerez du lieu qu'il vous dira et ferez ce qu'il vous commandera pour le bien de mon dict service.

Remetant à lui de vous envoyer au dict Allençon ou de vous retenir selon qu'il congnoistra mon dit service le requérir.

N'estant la présenle à aultre fin je prie Dieu....

Ëscript à Paris le premier jour de mai 1586.

1586, 1er MAI, PARIS. — HENRI III A MONSIEUR DE FARGIS.

(Bibliothèque nationale, fonds français, N° 3310, folio 67).

Monsieur de Fargis, ayant entendu qu'il se lève et amasse plusieurs gens de guerre en mon païs du Mayne, et ès-environ, sans commission à moy, n'y scavoir à quelle intention, qui ne peult estre que préjudiciable à mon service, j'ay bien voullu vous faire ceste lettre pour vous dire et prier que vous acheminiez et rendiez incontinent en mon dict païs du Mayne pour, selon la charge que vous y avez de moy, donner ordre et pourvoir à faire retirer les dicts gens de guerre en leurs maisons et empêcher qu'ils ne puissent surprendre aucune place ny chasteau en vostre charge.

Pour ce faire vous ferez lever, suivant et en vertu de la commission que je vous envoie, deux cents hommes de guerre à pied pour les départir et mettre en garnison en tel-

les des dictes places et châtaulx que vous verrez le bien de mon service et la seureté d'iceulx le mériter ; ou bien vous les emploierez aux occasions qui se présenteront en vostre dicte charge pour mon dict service.

Vous envoyant aussi nos lettres patantes de commission pour faire lever leur solde pour deux mois en mon dict païs du Mayne.

Vous vous accompaignerez aussy à ceste effet des seigneurs et gentilshommes d'icelluy païs auxquels j'escript de vous assister en ceste affaire ; et, au lieu de la compagnie d'harquebouziers à cheval du capitaine Comte qui est ou doit estre de présent à Laval, laquelle j'ay ordonné et luy mande mener et conduire incontinent à Alençon — si ce n'estoit que en eussiez affaire — je fais venir en vostre charge celle du cappitaine Pastoureau, aussy d'harquebouziers à cheval, laquelle vous establirez au dict lieu de Laval ou en garnison dedans les faulbourgs du Mans ou bien en tel autre lieu commode que jugerez pour le mieulx, pour vous en servir tant à l'effet susdict que aultre que besoin sera.

Vous vous ayderez pareillement en cela, si en avez besoin, de la compagnie d'hommes d'armes du sieur de la Frette qui est à Pizieux, luy escrivant et au dict cappitaine Pastoureau de vous aller trouver et faire ce que leur direz pour le bien de mon dit service.

Priant Dieu, monsieur de Fargis, vous avoir en sa saincte et digne garde.

Kscript à Paris le premier jour de may 1586.