LETTRE ADRESSEE A CATHERINE DE MEDICIS

Madame, il y a quelque temps que mons. de Veauvillé , revenant de vers voz inajestez, me pressa fort de dire le nom de ceulx qui m'ayoyent dict, dernièrement que j'estois à Lyon, que vostre majesté me faisoit garder une corde pour me donner l'ordre à mon arrivée à la court, me disantque nommément vous le voulliez sçavoir. Or, puisqu'ainsy est que j'ay esté adverty de ce qui m'estoit propre et nécessaire de sçavoir pour la conservation de la chose de ce monde que je tiens la plus chère, je ne nommeray jamais de qui j'ay receu un si fidelle advertissement; seullement je diray que ce sont des chrestiens catholicques qui sçavent de voz nouvelles et de lestât tragicque de la court, plus que ne font tous les huguenotz de France. Aussy, madame, j'ay receu depuis une lettre et un passeport par l'ambassadeur des Ligues, envoyés d'Avignon par mons. Bruslart, secrétaire d'estat, que votre majesté me faisoit escrire pour l'aller trouver à Lyon, pour l'envye qu'aviez de parler à moy et réemployer à vostre service. Mais, ayant auparavant entendu par les susditz catholicques des choses non moings esmerveillahles et détestables à tous ceulx qui font profession de la vérité, qu'il ne peult entrer en ''mon courage de les vous mectre par escript, toutesfois, sachant de longtemps qu'estes curieuse de sçavoir et aprendre les choses qui se passent en vostre absence, seullement je vous discourray les moindres et les plus supportables de celles que j'ay entendues par les susditz catholiques, qui m'espouvantent si extresmement, que depuis j'en ay gardé l'ung des principaulx cantons du Rosne. Et sur ce, vlre majesté sera advertye qu'ayant faict une si heureuse rencontre de deulx hommes sç.avans catholiques, l'ung me congnoissant il y a environ 21 an , l'aultre depuis la journée de la trahison, car il y a 29 ans que j'ay esté courtizan sans courtisanner ou suivre l'art militaire, et après leur avoir faict entendre mon voyage et le peu de contentement et mauvaise espérance que j'en avoye, et voyans qu'il estoyt aisé de me faire rebrosser chemin , nous nous mismes tous trois en une chambre, où ilz commencèrent premièrement à me dire plusieurs choses. Et comment, dirent-ilz, vous pourriez vous fier à la reine mère, veu les tragédies que ung chascung de nous sçavons qu'elle a joué , voyre entre nous et entre vous? Il ne fault poinct que les ungs ny les aultres pensent que ce soyt pour aulcune cause de religion , car la bonne dame n'en croyt nulle , combien qu'elle craigne Dieu comme font les diables, et au reste il fault croire certainement qu'elle est cause de tous les malheurs qui sont advenuz en nostre pauvre monarchie, pour la hayne irréconciliable qu'elle porte à nostre nation, de laquelle entièrement

elle se veult venger à quelque prix que ce soyt, et tousjours soubz prétexte de religion. Or, nous sçavons que de vostre costé elle a commis plusieurs sortes de trahisons : premièrement, elle feist empoisonner le feu sr d'Andelot , et depuis son frère le cardinal de Chastillon, la feu royne de Navarre, puis elle seulle fust cause du massacre si horrible de toutte la France ; puis elle feist empoisonner son filz mons. le duc, qui toutesfois en fut quicte pour en avoir eu seullement le pourpre; puis le duc de Longueville, depuis le duc de Bouillon, dont son médecin en fut pendu à Sedan , et , auparavant toutes ces choses, avoit faict empoisonner le prince Portien par le grand Duville. Aussy faut-il que vous entendiez une chose, me dirent-ilz, que peu de gens sçavent, ou pour le moings plusieurs l'ignorent. Car, du tempsque le roy qui est aujourd'huy estoit devant la Rochelle, le feu roy Charles, qui estoit affectionné à la chasse comme ung chascun sçayt, ung jour se courrouçant* à ses chiens et à ses veneurs , vous, madame, estant présente luy distes : «Hé, mon fdz, il vauldroit mieux vous courroucer contre ceulx qui font mourir tant de vos fidelles serviteurs devant la Rochelle, non pas à voz veneurs ni à voz chiens. » Dont le roy respondit à vostre majesté : « Hé, mort Dieu! madame, qui en est cause que vous? Par le sang Dieu! vous estes cause de tout. » Là dessus et s'en allant vous laissa, dont vostre majesté fust fort courroucée, et en gémissant et pleurant vous en allastes en vostre chambre, et en voyant quelques unes de . voz femmes des plus familières, vous prinstes à dire : « J'ay tousjours bien dict que j'avois affaire à ung fol , duquel je ne viendrais jamais à bout. » Et depuis ce temps-là vous, madame, cherchastes tous les moyens dont vous peustes adviser pour le faire empoisonner. Ainsy me disoyent ces deux catholicques. De façon que, au temps que S. M. debvoyt aller conduire le roy de Pollongne, son frère, jusques à Metz, il fut adverty de la part de trois grandz personnages qu'ilz ne nommèrent, que, si sadile majesté y alloyt, qu'elle n'en reviendrait jamais, et que l'on luy avoyt desjà préparé le morceau italiennizé; ce qu'il creust facillement à cause que le roy son frère différoyt tousjours son partement, dont S. M. craignoyt tant plus fort, de façon qu'il luy manda résolument qu'il failloyt que l'ung d'eux deux allast en Pollongne, car ainsy l'avoyent-il promis. Or, le roy de Pollongne estant résolu de partir, vous, madame, luy distes : « Allez, mon fdz, allez hardiment et vous tenez tousjours prest et me laissez faire, car vous n'y demeurerez guère. » Et depuis, vostre majesté feist si bien qu'elle gaigna le sr de la Tour, luy faisant entendre ou aultre pour vous que le feu roy vostre fdz estoit en vo- . lonté de le faire mourir, affin que plus aisément il joyst de sa femme, de façon que ledit de la Tour le creust aisément , d'aultant qu'il sçavoyt bien que le roy son maistre aymoit fort sa femme; qui feust cause que promptement il accorda de donner le poison à S. M., et tout aussy tost prinst son chemin en Anjou, affin

de n'estre en rien soupçonné; aussy que sadite majesté languist assez longtemps après la prise de ladite médecine. Et depuis vous, madame, feites empoisonner ledit sr de la Tour, tant pour l'aire justice de son inhumanité que pour empescher qu'il ne peust riens descouvrir d'une telle lascheté commise contre tout droict de nature. Voire , madame , si ainsy est. Touttesfois , les deulx catholicques me le disoyent ainsy : « Et comment [pouvez-vous] vous fier à celle qui n'aespargné ses propres entans nv ceulx qui de si longtemps luy ont faict tant de service? Ayez souvenance de la tragédie qu'elle a joué au duc de Mont[morency] et au mo1 de Cossé, lesquelz eux et leur maison ont tant faict de services à la couronne. Penssez-vous , me disoientilz. estre respectez , puisqu'eulx ny leurs maisons, qui sont [des mieux] alliées de France, ne l'ont sceu estre? Tenez-vous asseurez qu'elle ne demande que la ruyne de toutte la monarchie, soit en général ou en particulier, tesmoing ce qu'elle respondit à deulx dames duchesses, qui luy disoyent ung jour : Certainement, madame, c'est grande pitié d' ainsy ruyner la noblesse de France et tant d'aultre peuple, comme on le veoit journellement, car vous ne pouvez faire tuer i5 huguenotz qu'il ne meure 10 catholicques, tellement que ce sont tousjours 2:> François. Dont vostre majesté respondit : Ha, ma cousine! ne vous souciez pas de cela, car il y a assez de gens en Espagne et Rallie pour peupler la France, quant il n'y auroit personne; car aussy bien est-ce une meschante race que les Françoys. Or mettez-là vostre argent, je vous prie, me disoient-ilz. Aussy ne sçavez-vous pas bien que, quelque temps auparavant que le feu roy Charles mourust, qu'elle envoya une grande somme de deniers à don Joan d'Auxtria pour faire approcher son armée de mer à la Provence, affin que, si le roy Henry ne pouvoyt revenir de Pollongne, que«ledit don Joan d'Auxtria demourast vice-roy de France, promectant que, si S. M. venoit à mourir, de faire tomber la monarchie entre les mains du roy d'Espagne, voulant par ce moyen frustrer mons. ie duc son filz, monstrant par cela sa très bonne et très loyalle nature. Au reste, me dirent-ilz, qui est celuv d'entre vous et d'entre nous qui ne croye que, si ceste bonne dame eust sceu tant faire par ces menées que de faire attrapper le prince de Condé et le nr'1 Danville, qu'elle n'eust faict mourir mons. le duc, le roy de Navarre et tous les princes du sang, de quelque aage ou religion qu'ilz eussent estez, avec tous ceulx de la maison de Montmorency, jusques à leurs parens et alliez? Car elle a délibéré de ruyner entièrement tous ceulx qu'elle congnoist vrayement estre affectionnez à la coronne de France, qui vrayement ne sont que bastardz de se laisser mener par le nez comme des buffles contre tout ordre divin et humain. » Or, madame , entendant telles parolles, voyre de beaucoup plus esnormes sans comparaison, je ne sçavois que respondre, sinon que je ne le croyois pas. Mais encores commencèrent à me dire : < N'avezvous pas entendu la récompense que ceste preude

lemme feist faire à ung pauvre malheureux par lequel , avec le moyen du feu seigneur de l'Aubespine, elle feist tuer le sr de S'-Brisson, soy disant bastard du roy de Navarre , auquel , après avoir faict le coup et l'avoir bien remercyé , vous distes qu'il feist tout ce que luy diroyt ledit de l'Aubespine, lequel luy donna ung mandement adressant au lieutenant du prévost de l'hostel, pour recevoir deulx mil escus pour se mectre en équipage, en attendant ung gouvernement sur la frontière pour la seureté de sa personne; comme pensant desjà estre jusqu'au tiers ciel, pour n'avoir jamais eu vaillant deux mille solz, s'adressa audit lieutenant, lequel, ayant eu le mot du guet auparavant, le feist estrangler en sa garderobbe, et, le soir venu, le feict mectre en ung sac en l'eau. Voilà la récompense qu'elle faict à ses pauvres serviteurs. Aussy, madame, ilz me dirent que vous envoyastes quérir, il y a environ i5 ou 16 moys, ung magicien fort renommé jus- , ques en Itallie, duquel, après avoir entendu plusieurs choses qui ne vous pleurent «mères, luy baillastes congé et luy feistes présent de deux mil escus et d'une belle haquenée des vostres, affin qu'il s'en allast plus à son aise, et luy baillastes ung guide à deulx chevaulx, qui avoyt charge de vostre majesté de le mener passer par le boys de Monceaulx pour luy montrer vostre maison , et que là il le dépeschast tout oullre et qu'il auroit 5oo escus pour sa peine; ce que le galland feist vollontiers, d'aultant qu'il estoit coustumier d'exécuter telles ou pareilles entreprinses ; et , 4 ou 5 jours après que le bruict vint à la court que le philosophe dont est question avoit esté tué et voilé par les brigandz, vous, madame, vous prinstes à rire, disant : « Par ma foy ! c'estoit un grand fol ; car il a prédict ce qui debvoyt advenir aux aultres, et n'a sceu congnoistre ce qui debvoit advenir à luy-mesme. » Et aussy ilz me dirent que vostre majesté avoyt marchandé avec un nommé le sr Camille et au sr d'Escars et à plusieurs aultres pour faire empoisonner et tuer le prince de Coudé, et aussy que d'aultre costé vous aviez employé plusieurs de touttes qualitez pour faire empoisonner ou tuer mons. le mal Damville. Aussy, madame, ilz me dirent que vous faisiez souffrir prescher l'athéisme en plusieurs endroictz de la cour, et que, lorsque l'aveugle qui estoit prebstre fut bruslé à Paris, il confessa devant des principaulx de ceux qui l'interroguoyent que vous estiez, madame, la première au rolle de toutte sa légion, voire de celle de laquelle il estoit le colonel général en l'absence de Sathan. Ainsy me disoyent-ilz, et aultres choses si exécrables que je perdz tout cœur et courage d'entrer jamais en la France, jusques à ce qu'il plaira à Dieu de me rendre si heureulx de me faire estre une fois en ma vye l'ung des cappitaines de vos gardes, et lors vous vous pourrez asseurer, madame, que si jamais princesse fut bien gardée, et fust-ce la royne d'Escosse, vostre majesté le sera; car j'ay tousjours esté, suis et seray très fidelle, avec la grâce de mon Dieu , à tous ceulx et celles à qui je le prometz.. Et en attendant

le siècle d'or de ceste' heureuse journée, je prieray le Dieu lequel j'ay servy, lequel je sers et serviray pour jamais, que, par sa grâce et bonté, madame, il vous veuille amander. Escript à Lozanne en Suisse, le 11e ou 1 2° mois de la quatriesme année après la journée de la trahison.

Vostre très humble et très obéissant serviteur, E.mii.lf. Dardant.

Laditte lettre a esté trouvée sur le lict de la royne, le vin novembre1.

(Bibl. imp. Dupuy, vol. 84 4, p. 278 r\)

1 Celte pièce a été publiée par Le Laboureur dans ses Additions aux Mémoires de Castelnau, t. II, p. 462. Je l'ai donnée de nouveau ici, i° parce qu'elle m'a paru des plus curieuses, bien qu'on n'en doive pas accepter toutes les assertions; 20 parce que la copie dont je me suis servi diffère en plusieurs points du texte publié par Le Laboureur ; 3° parce que ce texte est signé Grandchamp , et qu'un autre nom ligure au bas de la copie de Dupuy. Grandcliamp serait, selon Le Laboureur, Guillaume de Grand-Ryc, seigneur de Grandcbamp, sieur de la Montagne et de Monceau , capitaine des bandes françaises, ambassadeur à Constantinople, qui, n'obtenant pas de Catherine de Médicis ce qu'il espérait, passa au service du duc d'Alençon, dont il devint chambellan, adopta la religion réformée, prit part à la conspiration de la Môle et parvint à sortir de France, où il n'osa plus rentrer. Le commentateur ajoute : « J'ay pourtant peine à croire que ce seigneur ait esté l'auteur d'une lettre adressée à ta reyne et qui courut sous le nom de Grandchamp, que peut-être on emprunta, comme

celui du plus irréconciliable de tous ses ennemis, pour luy imposer les plus grands crimes dont l'esprit humain puisse être capable.» Dans la version de Le Laboureur, après la mention d'une tentative d'empoisonnement faite par Catherine sur son fils et le duc de Longueville (p. 1112, 1. 8) , on lit : 0 et avec eux le duc d'Usez, tous trois ayans esté festoyez en un banquet à Poitiers, au retour du siège de La Rochelle, et quand on luy apporta la mort du du,c d'Usez, soupçonné estre advenue par prise de poison, tout le service qu'elle a fait à son chevalier d'honneur, ce fut de dire : « Et « qui eût voulu empoisonner ce bon homme là?» — La somme envoyée par la reine à D. Juan d'Autriche (p. 1 1 1 3 , 1. 22, est marquée comme s'élevant à i,5oo,ooo écus; — le bâtard du roi est appelé, non pas Saint-Brisson (p. iii4, I. 2), mais Chavigny; — aux instructions données pour l'assassinat du magicien (p. iii4, 1. 18), on trouve ajoutée la recommandation de rapporter les 2000 écus et de ramener la liaquenée; — enfin les dernières lignes manquent.

ne